Како да го ослепиш голманот, а голот да биде регуларен?

Не се Швеѓаните толку поштени колку што мислите, особено кога ќе видите со колку вешти измами се служат на фудбалот. Па уште им пројде бе ова и никој не се побуни. Како така?

Се работи за четвртфинален натпревар од Купот на Шведска меѓу Остер и АИК на кој кај судиите помина нешто што веројатно не би поминало секаде.

По само 7 минути игра гостите изведоа слободен удар. Сè си течеше регуларно, но додека Себастијан Ларсон се местеше да го изведе, еден навивач мафташе зад голот со факел.

Токму во моментот кога Ларсон шутираше, голманот од многу чад веќе не се гледаше и се наоѓаше како во облак.

Ларсон го отвори резултатот, но одлично се гледа дека голем удел во тоа има навивачот на АИК кој му го попречува погледот на голманот и им помага на своите да погодат.

Судијата имаше увид во целата ситуација, но не се реши да го поништи голот. Правдата не ги стаса домаќините ниту резултатски, бидејќи тие се изборија за 2:2 во регуларните 90, но во продолженијата загубија 2:4 и се соочија со елиминација.

11 март 2019 - 11:47

Штета ако сте пропуштиле

Америка, број еден во светот по последни места

Слободно толкување

Како се ловат кленови

Каква е оваа ситуација?