Јувентус е претворен во болница, девет играчи не се во комбинација

Во овој завршен и деликатен период кога ќе се кршат копјата во Лига на шампиони, Масимилијано Алегри е во непријатна ситуација со повредени играчи. Ако прогнозиве со точни среќа што му се враќаат набрзо, а во каква форма ќе бидат тоа ќе видиме.

Старата Дама вечерва му гостува на Каљари во 30-то коло од Серија А, а публиката на Сардинија за среќа или за жал нема да го види Кристијано Роналдо во живо, нешто што скоро сите навивачи го чекаа каде што гостуваше Јуве сезонава.

Освен светската мега ѕвезда, во напад ќе го нема ниту Дибала кој се повреди на загревање пред мечот со Емполи, како и Манџукиќ кој ќе паузира поради настинка.

Алегри поради повреда не ги повикал ниту Перин и Спинацола, а тоа значи дека во пресрет на незгодното гостување, листата на повредени му е долга.

Незгодно поради тоа што Каљари е во серија од четири победи во низа, а со идентични 2:1 дома ги намачка Фиорентина и Интер.

Ситуацијата го натера Масимилијано да смислува нов напад, па покрај Бернандески и 19 годишниот Мојс Кин, го повика и 20 годишниот Англичанец Стефи Мавидиди кој е член на У23.

По вечерашниот меч од Серија А, Јувентус во сабота, па во среда има два тешки натпревари, прво дома со Милан, па на гости со Ајакс.