Јуначиште на сезоната кое со 36 години се врати на терен по пауза од 1.128 дена

Ја пропушти сезоната 2017/2018, 2018/2019 и скоро цела 2019/2020 поради една од најнепосакуваните повреди, а тоа е на коленото. На негови години секој би рекол стоп, толку е, но тука се работи за невидена упорност и неизмерна љубов кон клубот.

Се работи за капитенот на Виљареал Бруно Соријано кој конечно и стави крај на три годишната голгота и со голема радост му се врати на фудбалот.

Не можеше глава да крене од тешки повреди на коленото, но со огромно трпение, упорност и работа, запна и ги надмина проблемите.

Првата шанса после неговата долга пауза ја доби синоќа на дербито против Севиља кое заврши 2:2. Влезе во 88-ма минута и ја доби назад капитенската лента.

„Имав кошмари, ми беше многу тешко, но никогаш не се предадов. Секако, имаше и моменти кога помислив дека е најдобро да се предадам, минаа цели три години. Но, сега го надминав тоа благодарение на моите најблиски, семејството и клубот. Сакам да му помогнам на тимот и му стојам на тренерот на располагање, дури и за пет минути во завршницата“ изјави Бруно.

36 годишниот играч од средниот ред цела кариера му ја посвети на Виљареал, а во прв тим дебитираше на 15 јули 2006-та против Марибор во Интертото Купот. Од тогаш има одиграно 418 средби кои ќе беа сигурно околу 500 да не го снајдеа проблемите.

Соријано е упорен дечко кој не се откажува, а за дебито во селекцијата на Шпанија на едно големо натпреварување чекаше дури до ЕП 2016. Заигра на 32 години на мечот против Турција во групната фаза.

23 јуни 2020 - 12:14

Штета ако сте пропуштиле

Што се чита во македонскиот калифат?

Хуманитарен апел

Човештвото го положи тестот „најдов новчаник, што да правам“?

Совети што може да ви завршат работа