Избркале тренер преку Фејсбук, тој им се заблагодарил во коментар

Ситуацијата која ретко каде може да се види е поврзана со фудбалскиот клуб Дрина од Зворник и нејзиниот сега веќе поранешен тренер, Владица Петровиќ. 

 

Управата на Дрина решила да ја прекине соработката со Владица Петровиќ и тоа го објавиле на својата Фејсбук страница, така што овој стручњак на тој начин дознал дека е поранешен.

 

За ситуацијата од тажна да премине во комична се погрижил самиот Петровиќ кој во коментар под соопштението на клубот на Фејсбук се заблагодарил на известувањето. Под неговиот коментар еден читател напишал дека било време за тоа, а тренерот Петровиќ му го лајкнал коментарот.

 

Лошите резултати кои клубот ги имал од почетокот на сезоната биле евидентни и неспорни, но прашање е колку тренерот Петровиќ е виновен затоа ако се знае во какви услови работел со играчите. Порталот Зворникданас пишува дека популарниот Струја наводно одбил да му биде слеп послушник на сопственикот на клубот Спасојевиќ, посебно за мечот против Рудар Приједор кој имал сомнителна позадина и епилог.