Историско достигнување на Левандовски во Лига на шампиони

Не се вртат сите рекорди во ЛШ околу Роналдо и Меси, бидејќи на планетава игра незапирлива гол машина по име Роберт Левандовски, кој веќе има 8 гола на 5 меча за Барса. Со синоќешните три испиша историја.

Барселона со петарда ја почасти Викторија Плзен во првото коло од ЛШ, а Левандовски стана првиот фудбалер со хет-трик во елитата постигнати за три различни екипи.

Никој до сега не успеал да оствари таков подвид. Роналдо, Инѕаги и Нејмар имаат дадено хет-трик за два различни клубови.

Иако има 34 години, годините на Пољакот му се само бројка, а кога сме кај бројките за него синоќа тоа беше хет-трик број 6 во ЛШ. Aко постигне уште два ќе ги стигне Роналдо и Меси.

Левандовски изби на третата позиција на стрелци во ЛШ со 89 гола, пред Бензема кој има 86. На челната позиција е Роналдо со 140, пред Меси кој има 125.

По само 5 настапи, Левандовски веќе запиша 8 погодоци за Барселона и во моментов брои 550 комада во клупска конкуренција.

 
8 септември 2022 - 09:30

Штета ако сте пропуштиле

11 јануари 2018, каков ден беше тоа!

Јаблан тргна по другата страна

Што не кажете дека само уште паркингот бил проблем?

Кој тоа го цица Фондот со векови?