Историска ноќ за Сенегал, кој за прв пат ја освојува Африка

Садио Мане ја доби битката против Мохамед Салах во финалето на Африканскиот Куп на Нации. Прва титула во третото финале за Сенегал против рекордерот Египет со седум титули.

Сенегал стана прв пат шампион на Африка после 120 минутна битка против Египет и изведувањето пенали во кои беа подобри со 4:2.

Садио Мане од трагичар се претвори во херој во финалето, бидејќи прво промаши пенал во 7 минута од мечот, а на крајот погоди во пенал серијата откако шутираше последен за прва историска титула.

Во пенал серијата, прецизни за Сенегал беа Кулибали, Диало, Диенг и Мане, а Сар не успеа да реализира.

Кај Египет погодија Зизо и Хамди, додека Абделмонем ја погоди стативата, а во четвртата серија Менди му го одбрани ударот на Лашин.

За Сенегалците ова ќе биде ноќ за паметење после неуспешните финалиња против Камерун 2002-ра и Алжир 2019-та година. Бранител на титулата беше Мароко, а Египет води со рекордни 7 титули.

6 февруари 2022 - 23:15

Штета ако сте пропуштиле

Македонско државче

Вечна им слава на некодошите

Не сè што обива е лопов

Историски лекции