Играч на Порто доби страшен нокаут удар од голман

26 годишниот Нану доби лекарски третман на терен кој траеше околу 15 минути. На никој не му беше до фудбал после судирот, а Пепе се расплака од мака за својот соиграч.

Немилиот настан се случи на средбата помеѓу Белененсес и Порто кога при еден центар шут на гостите голманот во обид да боксува, му нанесе силен удар на Нану кој се струполи на земја.

Играчите забележаа дека ситуацијата е сериозна и почнаа панично да мавтаат со раце да дојде брза помош. Серџо Консенсиао бесно влета на терен да се расправа, а Пепе плачеше од страв што ќе биде со неговиот колега.

Нану беше пренесен во болница, а играчите на Порто беа во шок и едвај продолжија да играат. Од лекарскиот тим на заминување рекле дека му се вратила светска и дека ќе биде добар.

Од Порто соопштија дека Нану има потрес на мозокот и повреда на 'рбетниот мозок. Во моментов тој е стабилен, свесен и е веќе ориентиран во времето и просторот.

Натпреварот беше продолжен 18 минути и заврши без голови.

5 февруари 2021 - 09:00

Штета ако сте пропуштиле

Цинизам за активизам

10 песни составени од наслови на офф.нет

Тест на личноста од Доктор Хаус

Карпош се спрема за Нова Година