Групите се влечат во јуни, против кого може Македонија на СП 2027?

Ракометната селекција на Македонија успешно го заврши баражот за Светско првенство. На десеттото мундијалско учество македонските ракометари се пласираа по нов триумф над Словачка, откако во Скопје славеа убедливо 38-23. Сега со нетрпение ги очекуваат групите.

Ждрепката за групната фаза на Светското првенство е закажана за 10-ти јуни во Минхен.

Македонската репрезентација котира високо, во втор шешир што значи дека нема да игра против Франција, Словенија, Норвешка, Србија, Шпанија, Италија и Фарски Острови. Ќе игра против селекции од прв шешир, од трет и од четврти.

Шешири за ждрепката за Светското првенство:

Прв шешир
Данска, Германија, Хрватска, Исланд, Португалија, Шведска, Египет, Аргентина

Втор шешир
Франција, Словенија, Норвешка, Србија, Шпанија, Италија, Фарски Острови, Македонија

Трет шешир
Грција, Полска, Бразил, Бахреин, Тунис, Зеленортски острови, Чиле, САД

Четврти шешир
Катар, Кувајт, Јапонија, Алжир, Ангола, Уругвај, Вајлд карта 1, Вајлд Карта 2

18 мај 2026 - 09:16