Атеф Абу Билал кој инаку има 11 настапи за селекција на Палестина настапувал во петтата израелска лига. Тој не криел дека има швалерка, туку два дреса кој ги менувал во зависност каде ќе го викнат да игра.
Израелската фудбалска федерација ја открила измамата на 30 годишниот играч од среден ред и воопшто не им се допаднало што скришно настапувал и за екипа од Палестина.
Паричната казна која му ја одредиле изнесува 200 евра, а забраната за играње фудбал одлучиле да му трае 99 години.
Билал беше дел од селекцијата на Палестина во квалификацискиот циклус за Мундијалот во Бразил, а фудбалската кариера ќе може да ја продолжи на 129 години.
