Урнебесната комедија која заслужува светско внимание ни доаѓа од третолигашкиот фудбал, поточно од дуелот меѓу Осогово од Кочани (баш вчера ги спомнавме во убав контекст) и Спартмани од струмичко.
Во случајот се крие мистерија со играч, очигледно со двоен идентитет.
Се работи за голманот на Спартмани кој не е до крај јасно кој е уствари, односно како се вика?
Бил пријавен во официјалниот записник на мечот под името Јосиф Милчев. И сега внимавајте што се случува.
По завршувањето на мечот кој минал со инциденти прво на терен, а потоа и во тунелот, голманот се пожалил дека е нападнат и побарал итна медицинска помош.
Потоа се упатил во полиција за да го пријави нападот. Но во полицискиот билтен во станица во Кочани стои како Филип Лазаров.
Ова име и презиме идентично како поранешниот ракометен репрезентативец е чудно што па не е зеведно во записникот на натпреварот.
48 часа по завршувањето на мечот од Третата лига, сè уште е мистерија кој е голманот кој бранеше за гостите од струмичко? Јосиф или Филип?
