Радамел Фалкао докажа дека е еден од најдобрите напаѓачи во Европа. На Колумбиецот му беа потребни само 45 минути да постигне хет-трик и да го реши Суперкупот на Европа.
Фалкао ја затресе мрежата на Чех со прекрасен погодок уште во 7-та минута, а со уште една мајсторија во 19-та минута зголеми на 2:0. Колумбискиот „тигар" стигна до својот хет-трик пред заминувањето на одморот помеѓу двете полувремиња.
Во вториот дел Миранда зголеми на 4:0, а во 75-та минута Гери Кејхил го постигна почесниот погодок за разочарувачкиот европски шампион.
