Џек Вилшер си го пуштил филмот во авион додека патувал со националниот тим за мечот со Словенија во рамките на квалификациите за Европското првенство и така добил поголема мотивација за да стигне до деби голот за својата земја.
Тој беше двоен стрелец на неделната победа од 3:2 и тоа беа неговите први голови во 28 меча за репрезентација. Со тоа им помогна на Англичаните да го задржат 100% учинок во групата Е, со шест бода предност пред второпласираната Швајцарија.
„Тој е мојата инспирација, кога играше за Англија не чувствуваше никаков страв”.
Вилшер откри дека пристапот на поранешниот играч на Њукасл и Тотенхем е сличен со неговиот, а ја истакна и неговата посветеност во играта за репрезентацијата.
„Понекогаш луѓето кои играат за својата држава чувствуваат малку страв и притисок. Но тој само сакаше да излезе и да игра. Тој се чувствуваше прекрасно додека игра и понекогаш и јас го имам истото чувство”, вели Вилшер
Документарниот филм за Газа излезе на почетокот на овој месец. Во него учествуваат големи имиња како Гари Линекер, Хозе Мурињо, Боби Робсон и Вејн Руни. Од сите ќе ја издвоиме изјавата на Мурињо:
„Пол Гаскоњ е The special one“
