До утре биди Арда Туран, казна од 16 меча не ти бега

Некогаш беше најомилен турски фудбалер, капитен и десетка на Галатасарај, капитен на репрезентацијата, ама после оваа глупост што ја направи репутацијата му падна на дно.

Турската фудбалска федерација го казни Туран кој игра за Истанбул Башакшехир поради тоа што го турна помошникот судија на мечот со Сиваспор (1:1) минатата недела.

Го суспендираа 16 меча: 10 за помошникот судија, по 3 меча за напад на главниот судија и загрозување на учесниците на натпреварот. Башка и 7.700 евра парична казна.