Пеп Гвардиола
„Тој е повеќе од клучен играч во секој поглед, тоа што е способен да го прави на неговата возраст е импресивно. Најдобрите играчи секогаш се снаоѓале во тешки ситуации, како Мајкл Џордан во Чикаго Булс, Коби Брајант со Лејкерси, а така е и со Меси во Барселона“.
Џон Тери
„Tој е најдобриот играч и е големо задоволство да се игра против него. Кога ќе ја завршам својата кариера и погледнам наназад ќе бидам горд што сум играл со најдобрите. Моите деца многу го сакаат и имаат дрес од него, а беа среќни и кога си ги разменивме дресовите со Меси“.
Роналдо
„Тешко е да се каже, тоа е како да ти нудат повеќе убави куќи и ти треба да одбереш само една. Меси за мене е покомплетен играч. Во најважните моменти тој постигнува голови, па затоа и нема сомневање дека е најдобар играч во светот”.
Диего Марадона
„Како единствен мој наследник во аргентинскиот фудбал го гледам Лионел Меси. Меси е гениј и тој може да стане уште подобар играч”.
Тиери Анри
„Ја имав таа можност да го гледам Меси на тренинзите секое утро, тоа што тој го демонстрираше го прави само најдобар играч во светот. Задоволство е да се гледа начинот на кој игра и затоа тоа го прави лидер во неговиот тим. Морам да бидам внимателен за да ги следам неговите движења”.
Барак Обама
„Претседателот на САД се спореди себеси со Лонел Меси на церемонијата во Белата Куќа пречекувајќи ги Колорадо Рапидс. Обама доби дрес со број 10 кој го добиваат лидерите во тимот, тој на тоа се пошегува: Само јас и Меси“.
Коби Брајант
„Јас го носам бројот 10 во националниот тим на САД во чест на најдобриот спортист кој го имам сретнато, Меси”.
Коби има познавања за фудбалот и тој иако мисли дека Меси е најдобар, сепак точно предвидел дека Роналдо ќе ја добие титулата најдобар играч за 2014.
„Во последниве 5 години по мене Меси е најдобриот, па и оваа година. Роналдо навистина ја поправи својата игра на повисоко ниво со што го прави него најдобар играч во овој момент. Но знаете Меси е таков играч кој може да експлодира во секое време“.
Иан Рајт
Поранешниот играч на Кристал Палас и Арсенал е секогаш во тек со дебатите околу Меси и Роналдо. Додека сите критичари ги проучуваат вештините на овие играчи, Рајт се одлучи за тоа да коментира кој е подобар во карактерот и начинот на кој играат со топка.
„Меси докажа дека е најдобар во светот, нема да го видите него како не се радува по постигнатите голови на соиграчите”.
Усеин Болт
„Брзина? Кристијано. Удар? Кристијано. Дриблинг? Меси. Интелигенција? Меси. Талент? Меси. Победник е Меси”.
Леброн Џејмс
„Меси е најдобриот фудбалер во светот. Иако не е сè уште најдобар фудбалер на сите времиња, ќе биде еден ден”.
