Бразил конечно се подготви за фудбалскиот празник

По големиот број проблеми, земјата домаќин на Светското фудбалско првенство 2014 конечно може да се пофали со 6 тип топ спремни стадиони, кои најпрвин ќе ги тестира на Купот на конфедерации наредниот месец, кој претставува еден вид генерална проба пред најголемиот спортски настан.

Бразилскиот Претседател Дилма Русеф денеска одржа говор и прв ја шутна топката на последниот од шесте нови стадиони кои ќе бидат наменети за Купот на Конфедерации од 15 до 30 јуни, а потоа идното лето и за Мундијалот.

Русеф ја отвори арената Пернамбуко со капацитет од 46.000 седишта, а пред само неколку дена беше отворен и најскапиот стадион кој се наоѓа во главниот град Бразилија и кој чини 590 милиони долари. Според бразилските медиуми додека го тестирале со два локални тима од Бразил, во еден од 309-те тоалети имало поплава.

Само два стадиони Бразил успеа да ги заврши до месец декември, кога беше и крајниот рок поставен од страна на ФИФА, а најголем проблем имаа со стадионот во Сао Паоло каде работниците штрајкуваа поради неисплатени хонорари.

Град: Бело Хоризонте
Стадион: Минеирао
Капацитет: 62.547