Ако треба да се бара играч кој вистински ја мисли фразата „Од мал навивам за овој клуб“, која е инаку излитена и многумина ја кажуваат колку да импресионираат, тогаш тоа е Томас Милер.
Човекот кој е синоним за верност и лојалност кон Баерн Минхен, го продолжи договорот до 2024-та. Клубот направи многу јак маркетиншки потег и му го продолжи во неговата детска соба.
На едната слика е Томас со дрес, ракавици, постери и со детски сон да заигра за Баерн Минхен.
На другата е Томас на 32 години со одиграни 623 натпревари и 226 голови и најтрофеен германски играч со вкупно 31 трофеј од кои рекордни 11 титули во Бундеслигата.
Милер е дел од Баерн Минхен од 2000-та кога почнал да се кали на 11 години, а од 2008-ма е дел од првиот тим.
„Не може да се замисли Томас Милер без Баерн и Баерн без Томас Милер. Затоа сме многу среќни што го продолжи договорот до летото 2024 година. Томас е лидер кој е гладен за успех, пример на теренот и надвор од него кој го претставува Баерн подобро од кого било“, изјави спортскиот директор, Хасан Салихамиџиќ кој заедно со претседателот на Баерн, Оливер Кан му ја посетија собата и ја продолжија соработката.
With the time machine in the past. 🤣😆
— Thomas Müller (@esmuellert_) May 3, 2022
Like Marty McFly in #backtothefuture 🎬 #esmuellert #FCBayern https://t.co/cAtdlQ2yk8
Компилација со 11 мајсторски голови на Милер, по еден од секоја сезона.
