Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Ова боли колку е точно

Шики е инвеститор, во згради. Пред некое време купил земјиште и донел цела машинерија. Шики има дозвола за приземје плус 4 спрата плус поткровје, а планира на местото да крене околу 800 спрата. Во зградата му се останати уште еден или два спрата за продавање.

Маршот на 100.000 Полјаци за независност

Денот на независноста и враќањето на суверенитетот на Полска последниве години почна да се обележува со масовен марш низ Варшава. Годинава ги имаше 100.000 на улица со знамиња, со пароли, со бакљи, со сè.

Сончогледот на Пост Малоун собори рекорд

‘Sunflower’ на Пост Малоун и Све Ли стана највисоко сертифицираната песна на сите времиња, соопшти асоцијација на музичката индустрија RIAА. Песната која оригинално беше издадена како дел од саундракот на Спајдермен филмот „Into the Spider-Verse“ станала 17 пати платинеста! Башка две милијарди прегледи на Јутјуб. 

Љубовта знае да гуши

Човек го судат за убиство на неговата девојка. Обвинието го товари дека ја задавил. Но, тоа е само едната страна на приказната. Другата, неговата, е дека тој не ја задавил туку дека таа сама се угушила додека му приредувала орален секс. За да ја докажат својата верзија, одбраната бара тој на поротата да ѝ го покаже „главниот виновник“ од кој настрадала кутрата.

Си биле три инвестициски фондови и сè било нивно

Три фондови: Блекрок, Вангард и Стејтстрит контролираат имот во вредност над 15.000 милијарди долари. Во овие пари имаат удел во најголемите западни компании што произведуваат вакцини (и Фајзер и Модерна и Џонсон и Џонсон), во најголемите западни компании од воената индустрија (и Локхид-Мартин и Боинг и Нортроп), плус ги има во банки, плус ги има во медиуми, плус ги има во транспорт.

Ок, да научиме и што е триџендер

Суштеството дента излегло „од плакар“ за да обзнани дека се чувствува како триџендер. Елем, како триаголник, имал/а/о/е три идентитети: маж, жена и нон-бајнари. Што значи дека секојдневно се чувствува како 1) маж, 2) како жена и истовремено како 3) ниедно од тие две. Чекај бе несреќо, сите три идентитети се согласиле баш околу тој кармин?

И по Бојко, Кубрат?

Деновиве низ бугарскиот парламент, за интервју за БТВ, се прошета Кубрат Пулев, некогашниот бугарски боксер во супертешка категорија, а сега пензионер, и уште од сега почна да строи пратеници. Кубрат нема изразено некои политички амбиции, ама па немаше и Бојко кога беше обезбедување на премиерот.

Зошто треба да ставите огледало на фрижидерот

Студии покажуваат дека погледнување во очи, најдобро во свои, ја зголемува самоконтролата на човекот и свесноста за себе. На пример, покрај патека за точаци ставиле таков постер и незгодите се намалиле за 65%. Затоа ова со фрижидерот, пред да го отворите, да се погледнете во очи и да си кажете: Нели се најаде бе, свињо? 

Холанѓаните почнаа да ги решаваат овие што се лепат за раце

Холандска телевизија прави дебатна емисија околу нападите од активисти врз цивилизациски ремек дела и со цела пристојност во емисијата покануваат еден од „борците“ за екологија кој е дел од неодамнешните акции. Бидејќи човек што нема пристојност околу Моне или Ван Гог нема зошто да има пристојност околу некоја телевизиска емисија, истиот овој активист решава да им се залепи за маса на сред снимање. Го решија за една пауза за реклами.

Никако ова не изгледа глупо

Снимка од некакво сајберспорт првенство во ПУБГ на мобилен. Сигурно е популарно, сигурно има и пари во ова, ама ништо од тоа не помага.

Руси не се да им дадеш перформанс да прават

Во рускиот градот Калуга се одржува „имерсивен спектакл“ во кој публиката, според сценарио, треба да мине низ искуството да биде киднапирана од припадници на украинската армија. И изгледа прилично автентично.

Вака изгледа судар на два авиона во воздух

Инцидентот се случи на Dallas AirShow. Поголемиот е Боинг Б-17 (Flying Fortress) а помалиот P-63 (Kingcobra), обата винтажни борбени авиони од Втората светска војна. Медиуми наведуваат дека во несреќата загинале шест лица.

Бонбони од чварки

Не, насловот не е метафора или игра на зборови. Се работи за прави правцати бонбони од чварки/џимиринки. Ова би требало да го има во секој дом, канцеларија, по нотари... и нормално, да се фрлаат на венчавки!

Мис(тер) Машала

Биолошки маж победи на натпреварот „Miss Greater Derry” за најубава жена во Њу Хемпшир, одржан во организација на Мис Америка. „Не само што победничката е целосно развиена жена туку многумина ќе се согласат дека и објективно е најубава. Вистината победува!“, прокоментира Гад Саад.

Новата генерација Морозови

Америка е станата толку непомирливо поделена и антагонизирана (да, бетер од кај нас), што нема да чуди ако некој ден таму не пукне граѓанска војна. Тие резови не одат само по стандардните политички разлики туку сечат длабоко и во основните клетки на општеството, како што е семејството. Пазете го вие ова говно од ќерка.

И Бил Бур знае да се смее

Бил Бур остануе врв на денешната комедија, благодарејќи на тоа како умешно ја транзитираше својата позиција, од гневен тип напизден на сè, на некој кој денес има жена и дете, ама уште има што да каже. Дека редовно го смее Конан, сме покажале. Овде имате едно нивно дружење во кое и Бур знае да тргне на смеење. За Конан да не правиме муабет. 

Електрични коли не димат, така?

Тоа што електричните возила немаат ауспух, не значи дека сме ги елиминирале емисиите, туку дека само сме ги преместиле на некое друго место. За да се произведе батерија со енергија колку еден барел нафта, потребни се 100 до 300 барели нафта. Една минута (молк) за електричните возила.

Исто е, ама не е исто

На граничник меѓу САД и Канада, девојка демонстрира колку е лесно да се скокне од едната на другата страна. Дечко сака да го покаже истото, меѓу Индија и Пакистан.

Да видите од каков талент изгуби Доктор Оз

Телевизискиот доктор и продавач на шашми, доктор Оз (Мехмет Ченгиз Оз) ја изгуби трката за место во Сенатот како претставник на Пенсилванија. Изгуби од Џон Фетерман, човек кој пред пет месеци преживеа мозочен удар. Ќе видите сами до каде стигнало опоравувањето, што поразот на Оз го прави уште поголем резил.

Државно рушење гробови

Претседателот на Ел Салвадор, Наиб Букеле, им нареди на затворениците припадници на Мара Салватруча, една од најозогласените криминални банди во Америките, со токмаци да ги искршат сите гробови на локалните гробишта на чии надгробни споменици има обележја на бандата. Букеле годинава објави отворена војна против бандите.

A таман ќе помислиш дека не може да се поглупи

Само што разбрала дека косата расте од - главата! Во нејзиниот досегашен академски живот верувала дека таа расте од крајот на влакната, но оваа еурека ја збунува: ако косата расте од скалпот, дали тоа значи дека во главата имаме коса? Не секирај се, девојче, немаш ти ништо таму.

Ужасот на една кирија

Кинескиња две години им го изнајмува станот под кирија на студенти, без ниту еднаш да ги посети се до заминување од станот. Кога ги добива назад клучевите оди да види што треба да се среди пред пак да го издаде. По неа и други почнуваат да ги снимаат своите кираџиски кошмари.

Дедо сече ко брич

„Контент креатор“ ни крив ни должен на улиците на Њујорк налетува на веројатно најостриот дедо што можел да го најде во градот, и почнува со своите безазлени прашања, на што дедово упорно во корен го коси.

Шчо мислевме, шчо ќе испадне

Можеби е морничаво сознанието дека сите ќе умреме, но, уште поморничаво е дека можеби ќе завршиме како некоја ебена матична плоча. Елем, што се добива кога од вештачка интелигенција ќе побараш да ја креира човечката еволуција? Побарал Фабио Кoмпарели кој се занимава со уметност генерирана од AI.