Таа била загрижена за Кина зашто истурале пари во Африка за таму да им градат пристаништа. - Пристаништа? Што има лошо во тоа? прашува Варуфакис. - Да, добро, слично и ние правиме, почнува да ретерира соговорничката. - Не, не, тие тоа го прават многу почовечно од Америка. 

Има разни друштва кои се пренкаат по интернет (австралиското друшто на Шами милиoни направија од тоа), но Арапиве ни се коњак. Глупи заебанции ама тие урнебесно се забавуваат. Имаат еден џин и едно џуџе. Џуџето се плаши од животни, џинот се плаши некој да не му земе јадење, ама ај, да не влегуваме во детали.

Џон Стујарт достигнува сосема нови нивоа на пристојност обидувајќи се да не се лизне на провокациите на соговорничката и разговорот да почне да го тера на нејзино ниво, како би се завршил со нејзина увреденост дека ете со Стујарт не може смирено да се разговара. Тој има две прашања наједноставни за одговарање, под услов да не си кабает.

Форхендот важи за посилен и посигурен тениски удар отколку бехендот (фанови на Федерер да не рипаат одма). Момчево има 12 години и два форхенда затоа што e aмбидекстерен, состојба кај лица кои подеднакво ја развиваат и левата и десната хемисфера на мозокот па затоа подеднакво добро се служат со двете раце. Кај и да му ја пуштиш, нему му доаѓа на форхенд.

Не мора ништо да смените во самата пијачка. Само треба да ги смените пораките за таа да звучи поздраво. Дека е 100% природна и растителна (оти па другите се нериродни и меснати), дека е 100% органска (оти претходно била неорганска), дека е безглутенска, дека има ниско ниво на натриум.... И одеднаш, старата добра Кока-кола станува шемаџиска за сите трагачи по здравиот живот.

Група Американци, меѓу кои и црнци, за викендот за католички Велигден решаваат да скокнат малку до Европа, конкретно Италија и Шпанија, и да видат како таму се слави воскресението на Исус. Кога таму некоја позната кореографија.

Макрон беше во посета на Кина од збир на причини кои главно се сведуваат на зорт. Пристигна со стандардниот пакет финти за опуштеност на западните лидери, од кои дебело страдаат западните општества. Па на пример на официјалното фотографирање со Ши, застана со раката во џеб, за што инстантно беше опоменат од дежурниот фотограф.

Руските пранкери Вован и Лексус (истите оние кои го шупчеа Заев и на крај не му дигнале телефон пошто им досаѓал) го навлекоа францускиот екс-претседател да го признае она што го призна и Ангела Меркел. Мислејќи дека зборува со Порошенко, Франсоа Оланд потврди дека договорите од Минск за Запад му послужија само како купување време додека ја спремат Украина за војна.

Прцање со стереотипноста на музиката и особено текстовите на бендот од Даблин кој некогаш донесе свежина но потоа стана некако преголем а Боно почна пресериозно да ја сфаќа својата улога во животот на оваа планета (мада, оној последниот албум со катаљарда преработени нивни песни добро ни легна). Дечкото го сконтал „рецептот“ на песните, плус фацата му е ултра-меланхолична.

Имате ли глупа навика на пијано да пишувате на бившата/бившите? И утредента сабајлето да ве изеде жив срам од себе и да ви дојде да пропаднете во земја кога ќе видите што све сте пишале и колку сте биле бљак? Постои само една грешка која сте ја направиле а можете да ја поправите следниот пат и ништо од тоа каење да нема: не сте биле доволно пијани.

Дечкото ѝ ги објаснува тајните на циклопејските градби, финесите на антедилувијалните цивилизации, мегалитните структури на Ѓобекли тепе во Анадолија.... Сè тоа фино. Само што таа е професионалка на Твич и од друго ги вади парите. Кутрата, мина низ ролеркостер од емоции. Боља врска немате видено.

„Да се биде комплетно бескорисен е луксуз кој можат да си го приуштат само богатите, а ти не си богат, сиромашен си,“ ќе каже неименуваниот интернет мотивациски говорник.

Марко Рубио за суштината на паниката во Вашингтон околу де-доларизацијата на глобалната економија. Oгромен дел од американската надмоќ почиваше на тоа дека доларот е светска резервна валута. Американските санкции (a.k.a економски тероризам) стануваат јалови во свет во кој се тргува во јуани, рубљи, пезоси и рупија.

Дени Тодоровиќ е носител на пенис и мустаќ. Дени е и нон-бајнари (нашки: ни ваму-ни таму). Ни ги доловува проблемите кога мора да оди во јавно веце: ако оди во машко како што му налага биолошката опрема, ќе го зезаат пошто носи штикличиња. Ако оди во женско, нечија мајка може да помисли дека е педофил.

Од документарецот посветен на еден од најдобрите тапанари на сите времиња, еден од најлудите тапанари на сите времиња, еден од највлијателните тапанари на сите времиња, човекот на чиј табиет потсетивме во статијата „Џинџер Бејкер, терсене“.

Деновиве нема медиум во САД што не е нацртан пред Трамп кулата во Њујорк, чекајќи го пристигнувањето и можното аспење на Трамп. На задоволство на Стајн таму се и сите медиумски тешкаши, со директен пренос.

Едно е дека вработените на Твитер (пред доаѓањето на Маск) се ултрапрогресивни и тоа никого не изненадува дури и кога новинарите ја добиваат внатрешната комуникација меѓу вработените. Тоа што изненадува во оваа комуникација е како во неа константно се појавуваат ФБИ, ЦИА и слични, па приказната се претвора од 'гледајте прогресивците се пристрасни во модерирањето на Твитер', во 'постои огромна операција од американски функционери и сомнителни НВО за цензуирање на луѓе на Твитер'.

Биле на турнир и нашле мртов човек. „Healing Monk“ пробал да му помогне но магијата не била доволно силна пошто на лешот му недостасувала глава. Друг ја пробал „некромансер“ магијата но и од тоа ништо. Притоа, им ја упропастиле работата на форензичарите пошто за некромансер магија се потребни многу светки.

Премолчаниот заклучок од целата хајка против Тикток е дека на сите им е јасно дека сите социјални мрежи бескрупулозно ги шпионираат своите корисници, ама проблемот со Тикток е што тој е под власт на кинеската влада а не американската. Излезе дека дополнителен проблем со Тикток е и што тој не е „послушен“ како другите мрежи.

Да испукаме ние по некоја доза здраво богохулие пред луѓето да ги фати онаа позната велигденска еуфорија кога сите стануваат ортодоксни талибанци па недајбоже да не им го кажеш пасвордот (се роди/вистина се роди). Пазете колку Библијата добива нормална човечка димензија кога ја чита Луи СиКеј. 

Додека Украинци гинат на долгата линија на фронтот, на оваа зелка ѝ дале да прочита еден ПР-ЕПП текст за „американскиот бизнис како локомотива на глобалниот раст“, за неговата радост што за Украина се заинтересирале прекрасни добротвори како ЈП Морган, Блекрок, Голдман Сакс, колку бил одушевен од ХИМАРС-ите, колку желно ги чекал Абрамсите...  

Се разбира дека немаше да застанат на оние катаљарда родови идентитети кои досега ги измислија бидејќи сите тие имаат едно големо ограничување: се работи сепак за човечки идентитети. Ова суштество, на пример, ја пробива и таа бариера па тврди дека е сокол (црвеноопашест, молим лепо) заробен во човечко тело. Ќе ѝ веруваме ако улови и изеде глушец.

Што е разликата меѓу руски војници во Украина (непоканети од државата) и американски војници во Сирија (непоканети од државата? Претставник на ОН се обидува да објасни дека разликата е во тоа што во Сирија нема американски воени лица. Ако ги нема, тогаш како беа ранети пред некој ден?

Се јавува девојка во емисија со Гордон Ремзи. Го забезекнува со омилената комбинација (сакала ванила сладолед со кисели крастивички и ракчиња), малку го ребри заради бифтек што јадела во неговиот ресторан, го трола дек Џејми Оливер е подобар а нему му порачува да се држи до она што го прави добро - кајгана. -  Јадеш ли ти кајгана?, ја прашуваат слушателката. Тука сме.