Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Парадоксот: Куче

Попрецизно објаснување за куче нема во Британика. Секој што некогаш чувал пес, знае колку сето ова е точно, посебно делот околу тоа колку стварно  те сака.

Најљутиот винар на интернет

Информации за вино за мажи, без тие "нота на ..." или "жичка на ..." и фала богу не предлага кафе со виното. Плус, некако страв да те фати ако не купиш од кај него.

Како да се збогуваш со колегите

Веројатно една од најголемите придобивки на мејлот е што можеш да им кажеш се на поранешните колеги (а и на кого било друг), без да треба да ги погледнеш во очи.

10 најпаузирани сцени во филмови

Изборот е направен врз основа на гласањето на членовите (1,6 милиони) на британскиот сајт LOVEFiLM, за тоа кои им се најчесто паузирани сцени.

УКИМување на разумот

Како што ни е фала Богу познато, Ректорот на Држaвниот Универзитет "Св. Кирил и Методиј" годинава ги покани своите декани, проректори и колеги професори новата учебна година да ја започнат со двете прочуени академски дисциплини - Литургија и Молебен.

Кампањи на плукање

Негативните кампањи не се ништо ново. Избор од 22 клипови од американски претседателски кампањи во кои се напаѓа противникот а истиот ни дава увид во стилот и стратегиите на кандидатите во изминатите 6 децении.

Вообичаеното на поинаков начин

Не мора секој пронајдок да биде корисен колку тркалото и генијален како далечинскиот управувач за телевизор. Секојдневието е полно со мали дупки на кои им требаат само мали досетки.

Автобусот!

За да ви биде појасно колку ние како држава премногу серизоно се сфаќаме себе си, една реклама од Данска по повод воведувањето на новите автобуси во Копенгахген.

Молчењето е Талат

Талат Џафери му раскажувал на внукот приказна за лека ноќ, така е настаната Финска....

Што и да е, Ајфон да е

Џими Кимел во едно од подобрите тролања на своите гледачи. На истиот ден кога излегува Ајфон 5, излегуваш на улица и им го даваш на луѓето "новиот" Ајфон да го споредат со претходната верзија. Новиот = веќе постојниот Ајфон 4S. Воодушевување на ниво.

Ни нојот не бута веќе глава во песок

Разбудете го инспекторот во себе и решете ваков грабеж во продавница. Сведокот: Беше мирно и одеднаш се случи експлозија! Од прашината излета полугол човек. Вие: Како изгледаше? Тој: Како Бејн од Бетмен. Вие: Сам ли беше? Тој: Не, со неколку ноеви!

Потреба да се сподели тајна

Познато е дека "што се случило во Вегас останува во Вегас". Но, токму таму една галерија е претворена во интересен проект за анонимни исповеди. Влегуваш во кабина, пишуваш на парче картон што ти лежи на душа и тоа станува едно од илјадниците објавени исповеди во галеријата. Ние би можеле да помогнеме како публика. Да читаме туѓи признанија и да се згрозуваме од другите. А да, Фејсбук служеше за тоа.

Дуинг бизнис

Како е можно покрај сите праведно и неправедно пропаднати кафани што ги знаеме кај нас (а и оние што се тргнати на тој пат), ниеден, ама ниеден да не се сети... да пропадне на овој начин?

Автоматска заблуда

Телефонска поплака на тазе сопственик на БМВ со автоматски менувач. Кога става во "drive mode" (D) сè е во ред, освен што тој верува дека D e за дневно возење. А кога ќе падне ноќ, нормално му е да префрли во ноќно возење (N). Погодете за што му е рикверц "R".

Животот е краток а говорницата долга

Како што знаете, пратеникот Талат Џафери реши да блокира донесување закон со маратонско окупирање на говорницата. Бидејќи добар дел од граѓаните погрешно се уверени дека имаат некоја попаметна работа во животот отколку да го слушаат пратеникот, ние решивме да жртвуваме неколкумина издржливи пријатели да го следат обраќањето и во кратки црти да ни пренесат за што тој зборува. Еве го нивниот извештај.

Оглас

Продавам возило Субару, одлично очувано, металик сребрена боја, кожни седишта. На инсистирање на семејството, можно е истото да биде заменето и за лекции во Фотошоп.

Пијачите пеат

Конечно е откриена долго чуваната тајна зошто кај некои сосема нормални луѓе, по само неколку испиени чашки ракија, одеднаш се буди латентниот Сариевски и тие одеднаш добиваат неописива желба гласно да ви запеат стара галичка или слична песна.

Како стартува бебе

Бебе кое се буди е како шалт табла од кола кога се става контакт клуч па се проверуваат функциите на моторот. Незадоволство - има, гадење - работи, одбивање - присутно, смеење - чекирано.

Always A Fire

Краток документарец за поранешниот член на Њујорк Џајантс, Чад Џоунс, кој како еден од најдобрите колеџ спортисти влегува во НФЛ. Кратко по ова доживува сообраќајна несреќа пред воопшто да изигра еден единствен натпревар. Во сообрајката Чад речиси загинува. По 2 години терапија, тој се очекува дека во 2013-та ќе се врати во НФЛ.

Бескрајните проблеми на изобилието

Ликов е царот на "first world problems." Во конкретниов случај, тоа е кога имаш доволно пари да купиш куќа, да ја опремиш, да купиш фрижидер, да го наполниш со храна и на крај да снимиш видео за тоа како не можеш да отвориш некое пакување. Иако, во право е за тоа глупиот сок со цевче.

За освојувачите на Трон

Ако една од ставките на вашиот "Bucket list" е некако да се зближите со Шарлиз Терон, редно е да научите како правилно се изговара нејзиното име и да навикнете на дијалектот на кој таа наутро ќе ви шепоти на перница мека бела.

Звукот на козата

Некогаш е потребен автентичен звук за да се добие целосен увид во некои историски решенија. Да речеме, после ова, имаме повеќе разбирање за контроверзните потези на Лазо Колишевски. Ставете на рипит па ќе видите. Може човекот имал иста ваква во комшилук.

Работи што ги кажуваат Епл фанатици

Во секоја дебата со хардкор Епл корисници имаш два момента: 1. нема камера / 3Г / нешто слично, затоа што не ти треба. 2. де бе голема работа, купуваш едно кабелче од 30 долари и можеш да го споиш.