Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Како изгледаат многу емоции за филм кој не бил виден?

Многу помпа се крена околу тој филм па јасно е зошто емоциите се толку засилени.

Уметност во доба на Инстаграм

Кога веќе секоја уметничка изложба / инсталација станува поле за Инстаграм натпревар меѓу селфињата, зошто тогаш да не почнеш да прави уметност спремна за Инстаграм перфектна фотка.

Да е здрав и жив Ѓорѓија, од кога умре се изнаживеав

Истиот мелем глас кој го познавате, овојпат на еден драматичен текст на кој не може да се остане рамнодушен. Една зипувана македонска судбина, емоција до коска, да осетите како векови ви бучат низ дамарите. После сè, сфаќаме зошто Крсте го чувствуваме како многу наш. Затоа што е многу свој.

Бог и шеширџија

Како реагираше Барак Обама после природна катастрофа а како тоа го прави Доналд Трамп.

Шпанска чизма ЕУизма

Европската комисија соопшти дека реакцијата на шпанската полиција во Каталонија била соодветна и дека „употреба на пропорционална сила била неопходна за да оддржи владеењето на првото“. Па да видиме на видео снимка како тоа изгледа, можеби некогаш ќе ни треба да се потсетиме на ЕУ стандардите. 

Џони Ротен, релативизатор

Во време на Секс Пистолс немаше човек кој ќе помисли дека ќе дојдат толку луди времиња што Џони ќе звучи како глас на разумот. На пример дека човек треба да има гард кон политичарите, кои и да се. Нам ни е, пак, малку криво што го немавме овој клип лани- преклани, па да го објавиме, па да ги читаме шугите како конечно нашле доказ дека ние (и Џони) одработуваме за вмрото. Маските паднаа, јелда папани?

Баба што црта

Има 90 години, живее во чешкото село Лоука и шара по фасади на куќи низ селото. Тема не и се безмозочно лошите копии на Лејла и мандарините, туку цветови на свежо варосани ѕидови. И ова што го прави изгледа како разгледница.

Масакрот во Лас Вегас на насловните на американските весници

Убиени 59 луѓе, ранети и повредени речиси 530. Сите, жртви на 64-годишен Американец со автоматско оружје (17 парчиња), хотелска соба на 32-ри спрат и за сега без јасен мотив - зошто? Вака изгледаа дел од денешните американски весници.

Специјалните ефекти од Чувари на Галаксијата 2

Дрво човече, ракун што зборува, вонземјани од сите видови кошмари, неколку вонземски цивилизаци, неколку посебни светови и многу, многу, ама многу летачки борби и ќотек. Сето тоа скоцкано на компјутер.

Животот не е ЦСИ

Колку што можеш да очекуваш Хулк или Тор да ти помогнат околу глобален проблем, толку треба да очекуваш и дека ЦСИ лабораториите (судска медицина) во реалниот свет ќе функционираат како оние од филм / телевизија. И тоа никому не му е спорно. Она околу што голем број луѓе се збунети е тоа што и кога ќе извадат некакви резултати, дека форензичарите непогрешливо се во право.

Американската "слобода" погледната од надвор

Како што објаснува Џим Џефрис: "Во Амстердам можеш да пушиш марихауна додека имаш секс со проститука пред полицацец... и стварно мислите дека сте во конкуренција со Холандија?" Објаснува и друго.

Очи полни пораз

Да не звучи како предизвик, ама може нема нешто поглупо што може да ти се случи како на помал брат. Што е толку глупо? Малиот голтнал свирче, големиов го малтретира со телефонот.

Во меѓувреме во Холандија

Да се разбереме, уште не можеш да нè убедиш дека журкиве (без разлика колку масовни) се нешто повеќе од човек што пушта емпетројки од УСБ стик. Да се разбереме уште нешто, луѓево си проаѓаат врхунски без разлика дал некој бил убеден во нешто или не. Најпрекрасната моронштина што ќе ја изгледате денес.

Искрениот трејлер за Ѕвездени патеки: Наредната генерација

Главното прашање што ќе ве прогонува по видеово: дали е ова стварно толку добро како што го памтиме?

Колку е Ајфон 8 Плус да го купиш на делови?

Си-ен-ен прави пресметка по пазарната цена на деловите на моделот на 8 Плус со 256 гигабајти меморија, дека дисплејот чини 43 долари (оди па смени дисплеј на Ајфон за 43 долари), камерите 37 долари, а батеријата 4 долари, за да види колку чини производството на еден уред (притоа уредно запоставувајќи ги сите други трошоци околу телефонот).

Зошто џандар гледа во бетонски блок?

Бразилската федерална полиција по 2-годишна истрага открива зошто некој од Бразил би испраќал готови бетонски блокови тешки по неколку тони во Европа со брод. Вие ќе откриете за околу 3 минути.

Добродојдовте во шпионски филм

Најзастрашувачкото парче софтвер што сме го виделе во последно време: комплет програми за препознавање ликови, возила и регистарски таблички, од снимки од улични камери. На презентацијава работи непогрешиво како во холивудски блокбастер. Производот е на кинеската компанија Сенстајм и е составен од Сенсвидео, за следење и класификација на објекти и Сенсфејс, за скенирање и споредување на лица со слики од база на податоци.

Машкиот пекол наречен настинка

Ако некогаш како грипосан маж си ја читал „Денови“ добиваш откровение дека таа нема врска со социјална правда и слично, туку дека Рацин пишува за маж во најтешките моменти од неговиот живот - мртов настинат и со душманска температура од 37,6. Ама едно пола популација на планетава не верува на маките што ги тргаме во тие мигови.

Кога универзумот има вишок карма на готовс

Едниот морон е лопов, другиот морон е битанга, двајцата спремни да ти нашкодат од чисто себични и ним оправдани причини. Инаку, двајцата немаат никаква поврзаност еден со друг, освен што се човечко ѓубре.

Грчец колинг

Бразилска полиција прави рација на локални нарко-дилери и нивниот погон за пакување. Според количината кокаин што од таму излегува на улица очекуваат дека ќе начекаат полн погон луѓе. Кога тоа, нарко-дилериве да ти се апгрејдувале како да се на грант од ИПАРД и немаат жив човек туку целата работа ја врши машина.

Како малите сипаници инкубираа на македонскиот дел од Фејсбукот

Ако немате чуено, да ве информираме дека изминатата недела во Скопје изби епидемија на морбили (мали сипаници). Значи: во 2017, во Скопје има епидемија, на таа, ни нова, ни незапирлива болест - сипаници. Како се случи тоа? Игнорантни родители заглавени во неодговорни и повеќекратно побиени теории на заговор за штетноста на вакцинирањето. Како сите овие години инкубираше оваа епидемија пред да избие, ќе видите низ дел од коментарите што сето ова време ги добиваме на текстовите кои ги објавуваме на тема вакцинација и глупавоста на нејзиното избегнување.

Автор на реклами во длабока животна криза

Американски продуцент на фина тезга во Шангај, треба за Кинезите да сними реклама за Мекдоналдс. Џон Бенет инаку ја сака својата работа и добар е во неа, и сè е е тоа во ред. Ама почнува да се прашува: чуму ова? 

Депеш мод обработка на „Heroes“ од Боуви

Оригиналот од Боуви е објавен на 23 септември 1977, обработката од Депеш мод е објавена вчера, на 22 септември 2017 на 1 ден пред 40-тиот роденден на песната.

Дечкото што можеше да биде филмска ѕвезда

1998 е премиерата на филмот „Рани“ кој успева директно да се вбризга во сржта на тукашната поп-култура и (пиратски) филмски колекции. Заедно со него доаѓаат и ликовите на Пинки и Шваба. Неполни 2 години подоцна Пинки, роден како Душан Пекиќ, загинува. Мајката на Душан дури годинава смогна сили да ја прочита обдукцијата на својот син.