Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Луѓе како нас

Што прават луѓе како нас? Пишуваат и зборуваат на мобилен додека возат кола. Да, ама тоа другите, не ние. Документарецот „It's People Like Us“ на оскаровката Ева Орнер покажува дека тоа "другите" не постои, туку дека сите го прават тоа, и претежно без да знаат.

Зошто Самсунг му е потребен на Епл

Двете компании се во судска битка вредна дестици милиони долари, додека истовремено имаат бизнис исто вреден десетици милиони долари, ама и покрај тоа не станува збор за некоја Бетмен и Џокер филозофска испреплетеност на постоењето, туку за меѓусебен интерес.

На скара во Токио

Додека мноштвото кафанџии во градот се натпреваруваат кој ќе биде богот на сушито и општо морската храна, човеков работи на скара на ќумур. Има секакви меса од овие регуларниве и тоа по распоред што он ќе ти го каже. Уште една фина фора од газдата: не дозволува деца во кафаната (ни со родители).

Марина Абрамовиќ за сиромашни

Пред некоја година Србинката имаше перформанс во њујоршкиот МОМА, „Уметникот е присутен“ кој вон уметничкиот еснаф остана запаметен по појавувањето на Улај, поранешната љубов и партнер на Марина. Овие на видеово не се ни уметници, ниту пак се на перформанс, ама за тоа се бивши, кои од едната страна имаат куп алкохол, а од другата куп прашања.

Деца на свадба, и зошто не

Ни тие нејќат да бидат таму, ни вие не сакате тие да бидат таму, а сепак таму се.

Доаѓа Гранд тур

Временската рамка во која е закажан почетокот на втората сезона од Гранд тур е "последните месеци на годинава". Требаше октомври, па излезе дека е веројатно ноември, а притоа никој не дематираше дека сепак би можело да се случи во октомври. За постепено загревање на работата, тројцата отидоа на фотосесија во Џикју, а таму зборуваат и за Гранд тур, за Бибиси, и колку многу сакаат кога некој ги прекинува сред јадење во ресторан за да направи селфи со нив.

Госпоѓата што знае да дипли

Сè се ова мали генијалности. И сè е јасно како се прави. И ништо од тоа никогаш нема да прифатите. Ќе си диплите како што ве научила мама.

Упатство за разговарање со дилер на марихуана, од дилер на марихуана

Дечково има многу основни и разумни барања: разберете луѓе сме нè стига умор; како што може во пицерија да почекате за да ви донесат пица, така може и мене да ме почекате без да ме брзате; и бидете фини бе!

Дечкото со ехото

Си открил за што е талентиран и го навежбал тоа до перфекција. Само, како се трпи самиот себе?

Како изгледа живот со човек со депресија

Два месеца по самоубиството на Честер Бенингтон, вдовицата на фронтменот на Линкин парк објавува приватно семејно видео од својот сопруг снимено 36 часа пред тој да си го одземе животот. Видеото го објавува со следната порака: "Ви го покажувам ова за да знаете дека депресијата нема ниту лик ниту расположение".

Стив Џобс фино објасни зошто Епл ќе издиши

Главни двигатели во една компанија се луѓето од продажба и маркетинг. А тие забораваат дека Богот што ги довел на тие места е производот кој го продаваат и рекламираат. Па со тек на време, луѓето кои мозгаат производи биваат истиснати од ланецот на одлучување. Некако појасно станува зошто Епла вади сè побледи продукти, нели?

Ермес сака да ви продаде камен

Што ќе ми е камен? Се става над документи за да не ти се разлетаат. Буквално само камен? Не, и затоа е без "буквално" во наслов, има и кожно каивче на него. Кај им текнуваат вакви работи? Дел од "да не оди фира" програмата на Ермес, во која се искористуваат остатоците од производството на најразлични нивни продукти. И пошто е каменот со рециклирано каивче? Буквално 840 долари.

Љубовта ќе ги победи џандарите

Да видите зошто лавот е крал на животните. Не затоа што е најсилен па сите му се плашат. Затоа што кога ќе почне една работа, ја завршува. 

Со авион над Пјонгјанг

Една од ретките прилики кога странец добил дозвола да снима од авион додека го прелетува главниот град на Северна Кореја. Убаво и мирно, некако ко Скопје во 70-тите. Оно, Скопје секогаш било убаво, ако го гледаш од високо. Проблем е кога зумираш во деталите.

42

Не е од Автостоперски туку од Бугати. Од нула до 400 км/час и од 400 до нула. За таман толку колку што на другиве ни треба да уфрлиме во трета.

Мотивационо видео на денот

Клипот ги содржи сите елементи што го сочинуваат животот: желба, препреки, борба, чувство на заглавеност, решеност, очај, безизлез, истрајност... И не сме сигурни дали ваквиот крај е хепиенд.

Ние и Индија

Видеово трае 19 минути а човек не може да му се изнагледа. Ваков народ имаме, ама имаме ли вака луто машинче? Или ние имаме купено од оние фините, направени да соберат по некое ретко ливче по скандинавски ивичници?

Како ни ги одмилија патлиџаните

Се враќаме во 1994 година, кога на американските пазари за првпат стигна модифицираниот „флејвр-сејвр“ патлиџан, супериорен во изгледот (црвен, тркалезен и мазен) и неговите транспортни перформанси (не скапува па тоа ти е). Процес кој доведе до тоа да денес, во 2017 година, во земја како Македонија, и во август тешко да најдеш патлиџан од кој нема бар пола да фрлиш, пошто е тиква. Нормално, компанијата која го започна тоа подоцна заврши во Монсанто.

Американска рецензија на Европа

Американец бил во туристичка посета на Европа и направил монтажа со своите најсуштински реакции на она што го видел.

Рецепт за сендвич со упатство за гледање

Да знаевме да ги монтираме видеава немаше да се објаснуваме, ама што е тука е. Три работи. Прво, копнежот е за првото божество од сендвич. Второ, без тоа џемот (мада може и со тоа да е вкусно). Трето, ако веќе пребираме и лепчињата треба да ги потпече.

Како гореа милионите на Елон Маск

Минатиот месец Елон Маск објави дека монтира видео со блупери од сите неуспешни слетувања на ракетите на Спејсикс. Деновиве заврши со монтажа и го пушти видеото под наслов "Како НЕ се слетува ракета". Штетата направена во тестовите се движи во рангот од стотици милиони долари.

Богот на возењето камион во тесно

Предизвикот е камион со приколка товарена со балвани да се збута преку едно мовче. Неименуваниот херој е француски камионџија.

Лајфхакс за ѓубриња

Совети за најлошите меѓу нас и за нас во најлошото издание. Без разлика што мислите за луѓето што го прават ова, мора да се признае дека советиве личат ко стварно да функционираат.

Пречитување на Наркос

Истите ликови, сосема други реплики и содржина. Сега се вика "Сој Пабло" и се работи за двојник на Ескобар кој се инфилтрира во неговата организацијата, и е дело на Bad Lip Reading.