Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Наочарчиња како драмаминчиња

Велат на еден од тројца луѓе му е непријатно од сето она клацкање кога се патува. За наочариве тврдат дека го решава тој проблем настанат главно од конфузните информации кои за телото ги добива мозокот од видот и каналите на внатрешното уво. Ова се четири прозорчиња, без стакло, со прстени исполнети со течност кои го симулираат хоризонтот (за да се калибрира мозокот). Ќе изгледаме вонсериски глупо ама па и кога сме зелени у фаца пред повраќање не сме нешто порепрезентативни.

Батали англиски, ако е појадок нека е турски

Опсесијата што ја имаме со турска храна (минус овчетина) речиси да нема сегмент од секојдневието што не го покрива. И покрај тоа посебна ѕвезда, ем-ви-пи на лепезата вкусови е турскиот појадок (со многу тесна разлика). Содржински, количински и мерачки без рамен на себе, посебна категорија која ги прави сите други појадоци само инфериорен обид за утринско гнетење.

Што прави 11-годишен Нигериец?

Црта хипер-реалистични слики, и тоа ги црта како да не му е ни најмалку незгодно од талентот што го има на само 11 години. Па не само што црта, туку има и цели срцепарателни приказни околу делата.

Грди ви се форите

Трамп во Лондон меѓудругото беше дочекан и со балон „бебе Трамп“, кој освен што беше разочарување во однос на ветената големина и тоа како изгледа во реалност, како што ќе напише имамот Тавиди, и не зборува многу за луѓето што го „летаа“ балонот.

Саша Барон Коен се врати во Америка

И пак како герила комичар, и пак заинтересиран за американското секојдневие, само овој пат наместо еден Коен глуми серија карактери: од крајно-либералната Др. Нира Каин-Ен’Дегочело „цисџендер бел хетеросексуален маж, за што се извинува“, до Еран Морад набилдан израелски лудак по оружје кој сака да ја натера Америка да ги вооружи своите основци. Серијата е на Шоутајм и снимана е во изминатата година и нешто, има седум епизоди, а првата беше емитувана на 15-ти јули.

Колку време треба за да украдеш 27.000 долари во производи од продавница на Епл

Кражбата се случува во работно време, во продавница полна луѓе, без никакво оружје. Однесени се лаптопи и смартфони во вредност од 27.000 долари, кои ако во рок од 5 минути по кражбата не се комплетно блокирани, тогаш се оставени да работат само за полицијата да може да стигне до новите газди.

Некогаш се тркалаа Стоунси, денес се тркалаат лимони

Кога на Мике Сакасегева животот му дал лимон, наместо да си направи лимонада тој направил видео од тоа како лимонот се тркала покрај ивичник од тротоар. Класичен вирален импулс: почнуваш да го гледаш клипот од што не веруваш дека тој се сведува на нешто толку глупо а по некое време почнуваш да навиваш за лимонот и се прашуваш до каде ли ќе стигне. И така, видеоото од лимонот кој се тркала, во втората деценија од 21-от век,  за кратко време го одгледаa преку 2 милиона луѓе.

Се кладиме дека има полесни начини за перење кола?

Упорноста секогаш е врлина кога не е на штета на некој друг и на околината. И стварно човеков изгледа вежба за нешто и сигурно е на нешто, ама пак ќе повториме, има и полесни (и поефикасни) начини за перење кола.

Мила ми е Хрватска, ама служба си е служба

Противпожарна станица во Загреб за време на четвртина финалето меѓу Хрватска и Русија. Пожарникари пред телевизор, а на терен се изведуваат пенали. Русинот Кузјаев само што даде гол и резултатот е 3:3. На ред е Ракитиќ кој треба да го изведе последниот пенал на натпреварот за Хрватска. Во станицата ѕвони аларм за пожар.

Логистика на Формула 1

Тоа што се случува во бекстејџ на Формула 1, за сите учесници во „циркусот“ да стигнат на време и да функционираат, е идентично фасцинантно како  науката и технолошките достигнувања на самите болиди. Пример како целиот екипаж, тони опрема, болиди и сè до последна ситница да стигне од Бахреин до Кина за помалку од една недела? Просто, пакувањето во Бахреин почнува пред воопшто да почне трката во Бахреин.

Човек на денот

Мае Буа Чаичеун е одгледувач на ориз од Тајланд. Не е некој голем земјопоседник туку има оризови полиња доволно колку „да се пројде,“ кои се наоѓаат во близина на пештерата во која беа заглавени децата. Таа исто таа е една од локалните жени што од почетокот на операцијата за спасување се пријавува како волонтерка и работи како готвач во кампот.

Јапонскиот Робинзон

82 годишниот Мафасуми Нагасаки цели 29 години поминал во мир и разбирање со самиот себе на пуст јапонски остров. Она по кое мечтаат многу урбани луѓе, само што не може да пројдат две минути а да не ѕирнат во телефон и ги фаќа егзистенцијална паника ако батеријата им е при крај.

Не е новинарски нос за секаде да се бута

Колумбиски (веројатно) новинар известува од протест за легализирање на марихуана. Тој добронамерен, тие уште подобронамерни. Колку тој повеќе прашува, толку тие стануваат порасположени да одговараат и да го прифатат како свој. И би нивни.

Диор инспириран од Романија

Минатата година Диор вади колекција на луксузни палта, елеци и капути, кои освен што им изгледаат ултра-скапо на сите (со примероци кои имаат цена и до 30.000 евра), на некои им изгледаат и крајно познати, посебно на жителите на Бихор, северозападен регион во Романија. Не дека Бихорјани се сериозни следбеници на haute-couture, ама се прилично детално запознаени со својата носија. Излезе дека во случајот со последната колекција на Диор тоа му доаѓа исто.

Италијански готвачи го проверуваат интернетот

Конзилиум од три активни готвачи од Неапол седнува пред лаптоп и преслушува серија Јутјуб готвачи на тема паста „aglio e olio“. Единствената работа околу која се согласуваат двете страни е дека ова е наједноставниот рецепт за паста.

За генерациите кои растат по дома

Како ќе заврши приказната со астмата и алергиите зависи од вас, бидејќи нејзиниот крај уште не е напишан.

Секогаш е подобро да си партизан. Секогаш.

И кога народот ти станува дел од големото европско семејство. И кога државата престанува да биде монета за поткусурување на големите сили. И кога престануваат грижите за нови војни а народот почнува да се посветува на својата и општата благосостојба, со поддршка на обединета Европа. Секогаш.

Многу е добро како Американците си го замислуваа фудбалот во 90-те

МЛС е најновата реинкарнација на американската прва фудбалска лига. Основана во 1993 (пред Мундијалот во САД), а првата сезона почнува во 1996. И одејќи по логиката дека они ќе го унапредат светскиот фудбал, во првата сезона решаваат да воведат сопствена верзија на пенал серијата.

Коментар за коментарот

Нашите преноси од светско генерално ги покриваат 3 пара коментатори, кои работата ја вршат по европска школа, генерално смирено, информативно и без многу драмење. Американците, Мундијалот го гледаат на три различни канали, и на трите има различен тип на водител: Британец, Американец и Латино. Заради ова имаш три различни доживувања на ист натпревар.

Овој југенд не е како што го мислеа

Ти ја мислиш германскава младина секој ден со нетрпение чека да влезе во цокулите на своите претходници и да се зафати со унапредување на човештвото, ЕУ, родната земја, кога тоа они ко да се растени само на руски феил клипови. Можеби се подразбира, ама дај да повториме за секој случај: не фрлајте спрејови во печка.

Човештвото меѓу Елизабета Втора и вечноста

Во истиот ден кога беше објавено дека британската кралица била нешто настината, по што следуваше откажување на нејзиното присуство на церемонија во катедралата Св. Павле, министрите на британската влада „се собраа на пробна вежба без преседан“ за тоа што треба да прават во случај на нејзина смрт. Елизабета Втора е родена 1926, а станува кралица во 1952-ра. Во овие речиси сто години од нејзиното раѓање, само Британија има сменето околу 20 премиери.

Добродојде за Тесла од Форд

Викендов Елон Маск објави дека не само што ја постигнале посакуваната стапка на производство, 5.000 автомобили неделно, туку и ја надминале и сега се до 7.000 возила, отприлика по 1.000 на ден. Чудењето на Форд што тоа околу ова достигнување е неверојатно и уште колку има Тесла за по производство им да се приближи големите автопроизводители, е сумирано во твит на еден од неговите директори.

Изгубени во преносот

Ако мислите дека ве нервираат сегашниве коментатори, само замислете свет во кој што фудбалот се коментира како голф. Веројатно никогаш не сте имале поголем порив да го гаѓате телевизорот. Мада, обратна ситуација и не е нешто страшна.