Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Проблемот со рокот на траење

Наместо да постои еден универзален термин, пр. „не е за консумирање по тој и тој датум“, компаниите како да даваат сè од себе за да го збунат купувачот. Па имаш „најсвежо до“, „пакувано на“, „да се продава до“ и слична креативност. Најголемиот ланец супермаркети во САД анализираќи ги производите што ги продаваат, открива дека има 47 различни термини што производителите ги користат за обележување на рокот на траење.

Компилација „Свецко 2018“

Првата половина од секое Светско е чист мерак за гледање затоа што во игра се секакви скриени таленти кои редовно успеваат да освојат симпатии на публика, која ќе ги збори барем до следното Светско (и на пример да видиш дека и ти од тука можеш да навиваш и да се возбудиш за Иран како да си израснат на улица во Техеран). Дел од општо народниот сеир собран од натпреварите по групи.

Ок, дај!

Цела среќа Германциве не ги тера ист малер за технологија, ко што е за фудбал. Изумот на еден германски студент: „ербег“ за смартфон.

Неле Карајлиќ: Што се случи после неделата во која замина Хасе

Во далечната 1985 година, Забрањено пушење на својот втор албум „Док чекаш сабах са шејтаном“ ја ставаат и песната „Недеља кад је отишо Хасе“, номинално посеветена на последниот натпревар на сараевската фудбалска легенда Асим Ферхатовиќ а преносно на заминувањето на Тито. 33 години подоцна, Неле Карајлиќ решава да удри црта и да сумира што тоа се случуваше после таа недела.

80 странци. 40 држави. Една порака.

80 луѓе од светот кои никогаш не се виделе меѓу себе, 4 месеци работеле за да покажат како интернетот и модерните алатки за комуникација можат да помогнат да се направи еден заеднички проект со заедничка порака. Значи комплетно одбратно од начинот на кој истиот тој интернет и истите тие алатки за комуникација се користат кај нас: од 80 пријатели да направат 80 странци, секој од нив да има своја порака и никој од другите да не сака да го слушне.

Стари навики

Кога некоја узречица ќе ти влезе во систем џабе после цел живот одвикнување... посебно ако не ти е до одвикнување.

Нов спот на Архангел

Пинокио е Пинокио, Пинокио, Пинокио, Пинокио...

Истанбул под тепих

Деновиве во временската прогноза за Истанбул беа најавени бура и град. Како излезе прогнозата, така низ градот започна масовното покривање автомобили со теписи, картони и се што ќе се најде. Луѓето се уште се под паника од невремето што ги снајде минатата година.

Гордон Ремзи, шеф и родител

Гордон Ремзи како еден од најдобрите телевизиски примери на Џекил и Хајд. Да го видите со дечурлана, па потоа и со возрасни.

Асаде, јасно ни е

Пред клипов не го знаевме Асад и немавме појма дали тој има некој проблем во животот и како тој проблем евентуално изгледа. После клипов, само не го знаеме Асад.

Српскиот Крег Дејвид: Ја сам помало геј

На шаблонот на ненадмашната верзија на Мадона и песната Like a Prayer ("Мадона помази овог клинца дебелог"), постои уште една махерска текстуална спрдачина, со спотот на Крег Дејвид. Бон-бо-на!

Шјор Спајдермен стари

Рамбо Амадеус и дечките од клапата Клесари го тешат стариот госпон Спајдермен дека еден ден повторно ќе ја закрпи мрежата искината во лути борби со организираниот криминал и во неа повторно ќе се фаќаат криминалци, тајкуни и корумпирани политичари. Мајката, во некои земји живее некаква надеж.

Носталгија за милијардери

На што се радуваат двајцата најбогати луѓе на светот? Колку добри бонбони имале кога биле мали, мислиш цел живот на Краш 505 растеле.

Животот пишува стики ноутс

Освен што имаш вишок канцелариски материјали ти се наоѓа и вишок талент и снајперски прецизно уденување на животни проблеми и сутиации. Како резултат го добиваш талентов.Чарлс Хатон а.к.а инстачаз.

Мигуел сака да нè кочи, небањат еден

Некаде на 0:33 се спомнува Македонија (even Serbia), но од контекстот не е јасно дали мисли на територија со словенско или хеленистичко наследство. Така што, Димитров да седне и да му пише на Мигуел дека тоа не е во согласност со договорот со Грција од кој извлековме максимум (како што Аса Акира извлекува максимум од своите партнери на крајот на сцените). И веднаш да се корегира! Или барем да стави плочка.

Локос Железарос: Малта

„Ме испратија на одмор Грујо и Мијалков, сега истото го прави и кретенот Зајко“. Знаете дека Железарциве се иронични околу целата таа фама за Малта ама пак сè тоа сече до коска.

How Did I Get Here?

Once in a Lifetime не е проповед против конзумеризмот, како што обично се мисли. Дејвид Брн секогаш повторувал дека во таа химна на Токинг Хедс се зборува за безумноста и несвесноста на животните битки. „Ние функционираме полу-будни, на автопилот, и во некоја точка завршуваме со семејство, работа и сè друго, никогаш не запирајќи за да се запрашаме себе си: Како се најдов овде?“ Во продолжеток, вокалите на песната, и тоа изолирани, како што приличи на овој наш актуелен „Once in a Lifetime’“ момент.

За „назадната“ калеш Анѓа

Девојката беше исправена пред историска шанса.

Кога соништата не ти се остваруваат, но можеш да се преправаш дека ти се оствариле

Фино регресивно инспирационо видео, таман за оние времиња кога раст од 0,1% е  економски бум, кога менување на идентитет е јакнење на идентитет, кога Грција веќе не може да ги кочи ни потенцијалите на Љубе Бошкоски како советник за странски инвестиции....

Дел од видео-игри што беа претставени на Е3 2018

Electronic Entertainment Expo или Е3 во Лос Анџелес собира сè што има од електронски ентертејмент од производители на конзоли и останат хардвер до автори на видео игри, кои имаат шанса да го покажат најдоброто од себе и што сè имаат сработено изминатата година (или години). Ова е дел од презентираното на првиот ден од саемот.

Ким Јонг Ун се понуди да биде домаќин на мировните преговори меѓу САД и Канада

Зборувајќи со новинарите во неговиот хотел во Сингапур, севернокорејскиот диктатор Ким Јонг Ун изјави дека зголемените тензии меѓу северноамериканските соседи претставуваат „неподнослива закана за светскиот мир.“

Слепиот човек кој вози точак

Точно е дека звучи неверојатно, ама ако ние при здрави очи можеме толку упорно да бидеме слепци, зошто тој без очи не би можел да види што му е пред нос?