Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Село Адриатика, Тексас

Бил Тексашанин во Далмација и баш му се бендисало како тоа изгледа. Еве го резултатот.

Ти вс. Икејски фори

Помири се дека од старт немаш шанси и дека никогаш не си ни имал, едноставно целиот систем е направен да ги исцеди сите пари од тебе. И многу се профи во тоа.

Навежбан удар

Ова е проблем на сите потези во контактните спортови. Колку и да се навежба некој потег, доаѓа време кога тој треба вистински да се проба. А тоа не испаѓа секогаш како на генералната.

Како Холандија ги изгради велосипедските патеки

Апсолутно идентична ситуација имаме како и Холанѓаните. Штом се дојде до паричка се купува автомобил, по град веќе не се вози од закрченост со коли, ентузијасти промовираат возење точак, бензинот сè поскап, бројот на прегазени расте...  Само што кај нас е 2018, а кај нив 1975 година.

Гана да зборува, Франција да слуша, Македонија да разбере

Иако нема ни М за Македонија, ни С за Северна, говорот на човекот од Г зборува за овдешните прилики, ментални матрици и малодушност. Од А до Ш.

Како да се појавиш на прес?

Ќе понудиш да го преведуваш она што се зборува на пресот на јазикот на глувонемите. И после ќе си мафташ со раце фристајл. Барем на двајца во Америка финтата им има успеано.

Финтите на еден маркет

Постојано преместување на производите (за човек да се помами и по други работи додека го бара она што му треба), членство, частенки, пакувања во големи количини (кому му требаат 5 кила морков?), се дел од триковите со кои американскиот Костко стана втор најголем трговски ланец на светот.

Словенци со право можат да дигнат нос

Словенечки хирурзи успеале на пациентка заболена од офанзивен рак на кожа, да ѝ одгледаат нов нос на нејзината подлактица а потоа да ѝ го пресадат на лице. За новиот дел користеле комплетно нејзин материјал и 3Д моделирање. Спојлер: во прилогот нема ништо за главната тема која нè тишти кога зборуваме за здравство: дали имаат ѓубре по клиниките.

Дупло кање

Статиката на овалната соба едвај го издржа интелектуалниот габарит на последната средба. Кање одржа еден лудачки 10 минутен солилоквиј (нагалено: лупетање) додека Дамб гледаше со полна концентрација (нагалено: ко теле). Заебавајте се вие ама ќе дојде ден кога на некое кутро дете, комплетно спремно за Демостен, Черчил или Мартин Лутер Кинг, на час по историја ќе му се падне да одговара за „Говорот на Кање Вест во Белата куќа“. 

Мајка бе, мајка

Што да прави жена кога змија ќе ѝ се оптегне на врата? Како што? Става ракавиците од Хулк и трга во бој.

Алтернативна математика

На тест по математика, малиот напишал дека 2 плус 2 е еднакво на 22. Учителката пробува да му објасни дека операцијата собирање не значи спојување на бројките од задачата. И тука почнуваат компликациите. Кратко филмче во чест на сите даскали, напатени од системот, директорите, медиумите, а сè во име на нивното височество разгалените деца и единственото нешто што денес е бетер од нив, нивните родители.

Туристички лекции: британска кралска гарда

Иако имаат бушави капи, иако веќе се станати неизбежен дел од идентитетот на Лондон и Британија, иако изгледаат малку смешно, клучно што не треба да се заборави околу британската кралска гарда е дека тоа сепак е гарда и како таква е составена од активни војници на британската војска.

Фиаменго за светот на Блази Форд

Острата и секогаш незгодна Џенис Фиаменго (професорка од Отава, прокламирана анти-феминистка) ја распретува фамата околу новиот Кристина Блази Форд, жената која сведочеше против трамповиот предлог за врховен судија Брет (и тебе сам сит) Кавано. Вели, за да се разбере новата хероина на Хилари Клинтон, треба да се разбере културното милје од кое доаѓа и универзитетот на кој предава: елитниот Пало Алто (23.000 долари годишно), на чија скала на вредности, социјалната правда доаѓа пред квалитетниот научен труд.

Луѓе баш и не ја веруваат приказната на Банкси

Човеков има два проблема со целата приказна. Прво, тврдењето на аукциската куќа Сотби дека сликата е од човек кој лично ја добил од Банкси во 2006 и дека целиот механизам, сосе батерии, 12 години лежи така затворен. Втор проблем е поставеноста на ножевите на секачот за така да ја исечат сликата. Овие дупки во приказната важат само ако Банкси немал пристап до сликата од 2006-та до неодамнешната аукција и ако секачот од видеото навистина е употребен.

Што има Истокот откриено пред Западот?

601 година - Сонцето е центар на Соларниот систем
768 година - Сулфурна и солна киселина
815 година - Денешните бројки
822 година - Еволуција
831 година - Обемот на Земјата

Том и Џери во живо

Петмина завршени студенти на музичкиот конзерваториум во Прага, за бисот на нивниот дипломски концерт, решаваат да изведат тема од Том и Џери. Синхронизирана со цртаниот.

Поучна басна на денот

Слушнале животните во шумата дека мечката има список за убивање.

Мечкин ПР

Затворената средина во која живеат, конкуренцијата и желбата за малку внимание и храна, ги натерало овие мечки регуларно да прават мајмуни од себе. Секоја асоцијација на "Балканот и ЕУ" е... сосема разбирлива.

Успехот, децении подоцна

Ок, сите ќе умреме, ама битно е кога си во полна сила, да ги искористиш сите можни и неможни шанси за да постигнеш нешто што ќе те држи до крајот на животот. Така ли е? Не е така.

Клучот на универзумот, изволте

Ќе го имате клучот на универзумот ако успеете да убедите некого да го изгледа следново видео кое открива дека големата тајна на универзумот е во бројките 3, 6 и 9. Ама ферски, до крај да се гледа, инаку не фаќа клучот. 

Џордан Питерсон за православието

За да разбере некои работи на истокот, запад можеби треба да се „врати на школска табла“ и да почне, да речеме, со Питерсон. Канадскиот професор ги објаснува суштинските разлики во поимањето на христијанството. За едните Исус е оној кој со својот живот се искупи за човечките гревови. За другите, човек треба самиот да го земе својот крст и да го носи по ридот.„Со крстот напред“, „секој со својот крст“, ви текнува?

Го сакате ли Бах?

Кратка приказна за тоа како Бах случајно бил откриен од Менделсон. Со класичарско наравоучение.

Прирачник за запишување на факс

Кога бирате на што сакате да се запишете на факултет, биде сигурни да одберете смер кој нема да вклучува познати факти или точни одговори. Значи НЕ математика, физика, биологија или хемија.

10 диско заповеди

Едно 12-13 години има од овој каноник. И сè уште секоја заповед (која е поврзана со човекот а не со технологијата) е актуелна и важечка.