Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Магијата на Хонг Конг

Кога не е оптоварен со масовни демонстрации, Хонг Кoнг е фасцинантен град. Изгледа како да е правен во постпродукциските лаборатории на Пиксар.

Да се разведри човек, малку ли е?

Ведра видео компилација од монтажи на банални човечки несреќи, вешто искористени за музички илустрации.

Изгледа само брокулата не е фејк

Група „активисти“ „смислиле“ „перформанс“ со кој ја подигнуваат свеста за тоа што човекот ѝ прави на природата. После вакви работи, човек со други очи гледа на приоритетите во проблемите на ова човештво.  

Зошто естаблишментот го мрази Џокер?

Како знаеме дека филмот е добар? Затоа што прави луѓе го мразат. Од медиуми како CNN кој оценува дека филмот е расистички и привлечен заради истиот гнев на белците кој го донел Трамп на власт, до филмската критика (во голем јаз со оценката на публиката што се случи и со шоуто на Шапел) која на Џокер му даде помала оценка од некои морализаторски кринџ феминистички срања.

А да терате вие без мене?

Како се чувствува просечен Македонец кога партиите ќе почнат да го викаат да излезе на избори за да им го даде својот глас.

Не мислеа они така

Двајца другари седнуваат  на механички бик. Тој што го управува бикот, решава да им отвори нови хоризонти во нивната блискост.

Дечко, може нарачка?

На настап на Тајлор, Д Криејтор, на некоја девојка во публиката ѝ е роденден па со своето друштво пробува да издејствува овој да ѝ ја испее Хепи брдеј. Така? Ок, нема проблем. 

После сето ова време, Трамп вака мисли за себе

Ако вам ви изгледа како 2016-та да е поблиску до Втората светска војна отколку до денес, замисли како тоа изгледа во САД. Е, со колку треба тоа да се помножи за да го добиеш впечатокот на оние што работат во Белата куќа? Наспроти сите нас е Трамп, и неговото гледиште на периодов и себе си. Ваква самодоверба треба да се конзервира.

Машко, женско, транс. И уште 97 други.

Во детска емисија на Би Би Си, едни две збунети деца беа подучени дека не се само машко и женско туку дека постојат 100 различни џендери. Пирс Морган има проблем со тоа. Оној што ја брани листата има проблем да објасни кои се тие.

Моментот кога Џејми Оливер сфати дека е поразен

Со целата своја амбициозност со која сакаше да се бори против одвратната современа брза храна, Џејми собира група деца и им покажува како се прават „Мекнагетс“ (сосе мафтање пилешки коски и блендирање до каша), по што триумфално ги прашува „кој сепак би го јадел ова?“. Во речиси иста секунда сите копиљаци му кренаа рака.

Неповторливото писмо на Трамп за Ердоган

„Не биди насилник“ и „не биди глуп“, веројатно и не е ни најстрашниот дел од писмото на Трамп до турскиот претседател, доволно неверојатно за американски новинари да треба дополнително да проверуваат во Белата куќа за да се уверат дека е вистинито, а не намештаљка.

Мачки, семејна ситуација

Две мачки се галат ама доаѓа уште некој кој дотогаш верувал дека кога него го нема, само глувците оро водат. Колку што ние го разбираме нивниот јазик, откако „јунакот“ инстантно кидна, црната го прашува неочекуваниот дојденец: „Од кај па ти овде, нели ќе одеше до контејнер?“

Велс за Черчил

Орсон Велс раскажува анегдота поврзана со Винстон Черчил, како овој маестрално одреагирал откако дознал дека случајно му има олеснето да добие пари за филм од некој руски бизнисмен. Нема веќе такви калибри.  

Земјоделство, веднаш

Ако уште не сте почнале, одма почнувајте, нема нешто подобро. Ако не ни верувате нас, еве земјоделец да ви објасни со аргументи и директни примери. Само ќар и бенефиции.

Да ви кажам уште нешто

Даблинец бил терминално болен и знаел дека му доаѓа време да се одјави. Ама, не така одма и не така траорно. Дур е време снимил гласовна порака до оние кои ќе му дојдат на погреб. Чујте го царот. РИП Шеј Бредли (62), may the joke be with you.

Пирс Морган, седи, кец

Се курчи во живо на ТВ па пробува да изрезили една плавуша прашувајќи ја дали ја знае питагорината теорема. За среќа, колешката го прашува: А ти ја знаеш?

Богатите плаќаат помалку данок од тебе

Јасен и недвосмислен графички приказ на тоа како во САД паѓало оданочувањето на богатите во последните 70 години.

На колку градови од Европа ти текнува?

Дури и нефер измамнички, играва ја почнуваш со самодоверба дека во сон можеш да ја свртиш, и после 60 напишани градови почнуваш да се чудиш како е можно некој да ти фали, а во реалност си покрил само 12% од популацијата на Европа.

Бил Мар и Хауард Стерн ги закопаа секирите

После долгогодишни хејтања и јадачки, двајцата гиганти на слободната медиумска мисла сфаќаат што имаат заедничко: што во суштина и двајцата се либерали ама такви либерали кои не ги трпат срањата на официјалните либерали.

Имитаторите ќе немаат леб да јадат

Со 20 различни гласа на познати лица, Џон Мескимен (актер и имитатор) преку поемата „Pity The Poor Impressionist’ ќе ви објасни зошто неговата професија станува неодржлива. Објаснувањето го помага главниот злосторник во тој процес, познат како ДипФејк. Импресивно и застрашувачки.

Последните секунди од рекордниот маратон на Елиуд Кипчоге

Во историски подвиг за човештвото Елиуд Кипчоге успеа за прв пат во историјата да истрча маратон за време под 2 часа. За да ви биде појасно, за да истрчаш маратон, 42 километри, под 2 часа, тоа значи дека треба еден километар да го трчаш за 2 минути и 51 секунда (и тоа после да го повториш уште 41 пат).

Да се доживее стотата

Фино скоцкано видео во кое 100 годишници објаснуваат што правеле за да дојдат до таа возраст. Спојлер: ништо особено.

Како не се уморија да се хистерични?

Елен ДеЏенерис била на утакмица и на трибина, пази молим те, седела до Џорџ Буш. Абе дрвја и камења, абе го предала лезбејското движење, абе свашта. Сега ѝ копаат по минатото, да не се наоѓа и некоја нејзина слика со Мао Це Тунг. Меѓу другото, ете затоа Трамп ќе добие втор мандат. Дека овие упорно се бават со глупости и дека памет не им доаѓа.

Мечка меѓу мечките

Катмаи националниот парк во Аљаска секоја година организира Недела на дебелата мечка, на која главниот настан е избор, по пат на елиминации со гласови од публиката, на најдебелата мечка во националниот парк. Годинава победник е мечката 435, која во паркот се води како Холи.