Порнхаб уште еднаш се покажува како општествено одговорна компанија со префинето чувство за „размислувај глобално, делувај локално“. Додека мораат да седат дома поради коронавирусот, корисниците од Италија ќе имаат бесплатен пристап до премиум содржините на платформата. 

Исповед на Конор Рид, Британец кој предава англиски во Вухан и кој закачил вирус, се разболел и се излечил. Раскажува како изгледа сето тоа и порачува: не паничете, помагајте си едни со други, човек не смее да стане себичен во време на криза. 

Одлична сцена од британската серија „Yes, prime minister“ која на брилијантен начин ја демитологизираше политиката и ги расклопуваше големите мистерии на највисоките владини кабинети.

64 зборови што Трамп ги има најдобро изговорено за досегашниот мандат како владетел на САД. Речиси неверојатно, прво видеово, второ што ќе гледаме како ништо од ова нема да му попречи во походот кон втор мандат.

Соговорникот на Џо Роган има врвни референци да зборува за коронавирусот а сeто она што го извади во муабетот од час и половина, нè парализираше од језа: во следниве 3 до 7 месеци може да се очекуваат 90 милиони заразени, 40 милиони хоспитализации и скоро 500.000 мртви. Само во САД.

Речиси и да нема поискрена емоција од тоа кога на маж ќе му дојде да пушти солза, изблик на емоции и искреност, страдање по најмилата, страдање заради отуѓувањето од тоа што срцето го посакува и сака да му е близу, но и надеж дека тие некогаш повторно ќе бидат еден карши друг без никакви бариери меѓу нив. Доста поучен клип, што им покажува на мажите дека не треба да ги кријат емоциите.

Курсот на пресметкава е дека 1 зрно ориз е еднакво на 100.000 долари (за да може да се прикажат набавки на пример на едно Ламборџини од 300.000 долари). Дечково беше доволно вреден за да изброи 10.000 зрна ориз (1 милијарда долари) и да ги измери за да има референтна вредност кога ќе ги мери милијардите на Безос. Страшно многу ориз е во прашање.

Како може едно видео кое започнува со ректален преглед на граница, да заврши романтично? Кај Кинезите, ете може.

Одберете парче песна или рефрен кој го сакате и со душа влезете во песната а со раце под чешмата. Гледајте да е тоа рефрен со пристојна должина, да не одберете баш Вилиџ Пипл и „YMCA“.

Видеава само изгледаат како компјутерски генерирани и извадени од видео игра, инаку се снимени од Џони ФПВ, професионалниот дрон-пилот кој се натпреварува во трки со дронови за тимот на Ред Бул.

За многу теми кои го брануваат светот, Џон Оливер знае да биде корисна ѕвезда Северница за збунетите морепловци. Одлично знае да ги расплетe приказните со еден концепт кој ни е близок: да ги исмева глупостите и глупите и попат на својата публика да ѝ понуди разум и корисни информации. 

Година 1942. Еден арапски весник на својата насловна страница објавува фотографија како сириски жени им делат облека на грчки деца. Сами извлечете поука од ова видео и од оваа историска епизода.

Една надлежна тетка (не е глупо што е тетка, глупо е што е надлежна) објаснува дека за заштита од коронавирусот треба да се престане со допирање на лицето бидејќи еден од главните начини на кои тој се шири е токму допирањето на својата уста, нос или очи. Е, сега, гледајте.

Прашањето е поставено на членовите на Редит, се работи за машко-женски односи (а не за теорија на релативитет), а одговорите се речиси анонимни па човек може да ги потврди само од сопствено искуство. И од тој аспект, добар дел се на место и автентични.

Каква озбилна машинерија е Рамштајн, чудо едно. Видеото е тајм лапс од подготовките на бина и друго што е потребно за еден нивен стадионски концерт (во Дрезден). 6 дена и 60 часови работа спакувани во 2,5 минути. Дигалки, кранови, чуда, врагови. Кај нас и да дојдат (а нема да дојдат), знаеме луѓе кои ќе речат, кој ги врти бе, со тие пари знаеш што скара и шприцери може да утепаме?

Мај, улица Тверскаја. Снимал Шарл Моисон од компанијата на браќата Лимиер. Колоризирано и дигитализирано на 60 fps.

Верувајте, сакате да го слушнете говорот на раперот Килер Мајк во поддршка на Берни Сандерс. Страсно, моќно, човечно, искрено и без калкулантство. Емоции и увереност какви ниту сме виделе ниту ќе видиме на наш терен. Од што ни направи ќеиф, го преведовме.

Кај нас нема шанси за вака лабав извештај. Прво оние партиските преторијанци сомничаво ќе те скенираат за да сконтаат дали си од (не)непријателски медиум за да заземат став по однос на тебе, а после објавувањето на видеото ќе ти се јавуваат луѓе од штабовите за да те дрват дека намерно си ги бирал најглупите нивни фанови и дека знаат они кој тебе те плаќа.  

Саемот кој е еден од најголемите годишни настани за авто-индустријата требаше да трае од 7 до 17 март, ама заради коронавирусот кој се појави на сосема другата страна на светот тој пред некој ден беше откажан од организаторите. За жал на компаниите, тој беше откажан премногу доцна, кога тие веќе ги имаа поставено своите милиони долари вредни штандови и сценографии.

- Јована, како си?
- Не сум добро, ми го нема мојот Стефан.
- А зошто не викнеш по него?  

Снимено за време на подготовките за претстава / парада / патронат во некое руско училиште. Темата што треба да ја совладуваат момчињата и девојчињата е марширање.

Без да каже на никого од колегите ниту на екипата која ја реализираше емисијата, долгогодишната новинарска ведета на MSNBC, Крис Метјус, реши да се одјави од етерот и комплетно да ги збуни сите.

Освен што вода е штетна да ти влезе во кондура, излезе дека е бескорисна и во чаша. Затоа со ракија е сосема подруго.

Преку ден Мајк Мајка е девелопер на видео игри а ноќе се опушта како пасиониран собирач на игрици и конзоли. Еден ден му жена му рекла дека сите негови играчки ќе мора да одат во подрум.