Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Дечкото со кавга во гитарата

Го имавме веќе во пар наврати ама фино го нагазил „жанрот“ и тера јако. Овојпат, како музичка придружба на тантрум на некој таксист. Беспрекорно!

Лос Анџелес сафари: во лов на инфлуенсери

Иако на снимката преовладува масовно присутниот вид на „Инстаграм дечко“, таа успева да забележи и неколку примерока на досега притаениот вид на „Инстаграм девојка“ која посветено го фотографира својот партнер во неговиот пат кон инфлуенсерска слава.

Понд. Џемс Понд.

После ова, кога ќе ја слушнете фамозната  музичка тема од филмовите со тајниот агент на кралицата, ќе ви дојде да си ставите црвена точка меѓу веѓи и да запалите некоја миризлива свеќа. Којзнае како би звучела „Розо моја црвена“ преработена за Џек Ричер.

Јапонци, јуриш!

10.0000 луѓе ја пеат Бетовеновата 9-та симфонија! Боли ова и малку тера на плачење, колку е моќно а невозможно, и од технички (фазни разлики и сл) и од сите други причини. Па кај нас Дац и Александар не можат вака да се синкаат. 10К Јапонци, на бран на моќната Деветка од Бетовен. Најсилната германско- јапонска коалиција уште од времето на... знаете кога.

Па ако не, да пробаме со две маски?

Оваа болештија не престанува одново и одново да нè изненадува. Таман нашироко се прифати дека маските се веројатно најдобриот начин да се заузда трансмисијата на болеста (дали од што многу почитуваме наука или од што многу лесно легнуваме на брашното, сеедно), од неа еве пак еден тонч! Да ви покажеме пар момента од данското искуство, од кои паѓаат во вода омиленитe македонски јадиковки дека народот ни е прост и не се разбира. Оди па разбери ова. 

Ако границите беа цртани по ДНК

Вакви работи душа дале да се извртуваат и со нив да се манипулира на ангро, ама па, денес со сè може да се манипулира а ова си е легитимна наука и нема што да се снебиваме.

Том је мало нервозан

Го снимиле (аудио) Том Круз како им се дере и мајки-шајки на работниците од екипата на „Невозможна можна мисија 7“ заради недоследно почитување на ковид протоколи. Ама да чуете вие дерење! Цела сајентолошка обука за смиреност и самоконтрола отиде доврага.

Кларксон со бугарска гласовна контрола

Добредојдена е и нè весели секоја функционална и апликативна вредност на нашите браќа од истокот која нема да се сведе на дрвење, плач или стрвост по Македонија. Што би фалело на еден ваков бугарски апдејт во автомобилската индустрија? Па нека си бидат с'шт народ, во многу коли.

Одјеби ја болката

„Fuck the Pain Away“ е песна од Пичис (Мерил Нискер, се вклучува во снимката), А Дејв Грол и Грег Курстин ја преработуваат во чест на Ханука, во серијал во кој преработуваат еврејски артисти. Супер песничка од пред 20 години, супер преработка.

Нормално на џам да се качиш, како инаку ќе прославиш?

Почнаа празничните лудории, време кога некои луѓе добиваат еуфорично чувство дека само еднаш се живее, а еволуцијата баш тогаш прави редовно прочистување на списокот па решава да не им се меша во еуфоријата.

Дедо да не го заборавите

Кажете дека се имаме разлигавено и дека сме станале кринџ, ама и ние сме луѓе и не можеме секогаш да одолееме на таа магична божиќна и новогодишна атмосфера, време за најблиските, време за нивно радување со подароци кои ќе им ги топлат срцата цела година.

Натпревар во што?

Натпревар во прецизно синхронизирано одење, и нормално дека се оддржува во Јапонија, и не е ништо ново, бидејќи ова го прават уште од 1966.

Прошетка со Стивен Спилберг

Во Сан Фернандо во ЛА, Универзал има комплекс од филмски и телевизиси студија, отворен уште во 1915 година а денес распослан на 1.600 квадратни километри, со 30 звучни сцени и 156 одделни структури. Па уште го имаме Стивен Спилберг за водич.

Можете ли да го патентирате Сонцето?

Сега кога буџите од Фајзер, Модерна и другите тријат раце и ги планираат своите нови јахти и љубовници, да се потсетиме на една друга вакцина и на еден поинаков човек кој, прашан кој ја поседува неговата вакцина, одговори: „Луѓето. Нема патент. Можете ли да го патентирате Сонцето?“

Рон Вајт ја продава куќата

После Елон Маск, и комичарот Рон Вајтс веројатно реши да собере партали од Калифорнија и да се врати во родниот Тексас. Добро, не баш партали. Местото на Беверли Хилс го купил пред 10 години за 1,5 милиони долари, сега овој огромен и троа кичест мавзолеј го продава (крајно шармантно) за 7 милиони. Никому не му треба волкава куќа. Никому. Особено не денес на Вајт кој пред некое време побара да престане да плаќа алиментација на бивашата (25.000 долари месечно) зашто пандемијата му ги уништила приходите. 

Авганистан знае да биде благодарен

Можеби Американците останаа предолго во Авганистан, можеби цела таа нивна мисија беше контроверзна, тешко оправдлива, скапа во пари и прескапа во човечки животи, но, „након свих ових година“, може да се каже дека Американците успеаја да ги освојат „срцата и умовите“ на локалното население. Еве, погледајте.

Ладнокрвна женска искреност

Доколку девојка искрено и без никакви калкуланства зборува за нејзиниот однос кон дечковци, човек може да помисли, блазе си му на оној што е со неа. Само што, не. Ич не.

Нема поента сега да умрам, нели?

91 годишен Англичанец закажал вакцинирање за ковид ама го утнал терминот и не е задоволен ни со добиениот ручек ни со утката. „Нема поента сега да умрам кога веќе толку сум поживеал, нели?“ со право прашува овој убав Кит Ричардс.  

Школа за вреѓање

„Им љубоморам на луѓето што не се знаат со тебе“ е една од врвните навреди на списокот на тема „Како да навредиш некого без да го опцуеш“.

Веројатно треба да ја зачистите тастатурата

Откако на последното чистење крокодили ни излегоа од под копчињата, по ново тастатурата ја чистиме со огнофрлач. Меѓутоа, видиш, имало и луѓе кои редовно си ги пазат тастатурите.

Ден во животот на јапонски месар

Некаде околу 30-та секунда од видеото нараторот кажува како главниот лик (месарот) не е утрински човек како останатите Јапонци, па сабајлечки сака некоја минута да се доспие на каучот во дневна. Пред да го каже тоа сподели и уште еден факт, месарот станува во 6 и 30 сабајле. Нема раат за Јапонциве. Плус ќе се изнагледате вонземјански напредни навики и правила според кои живеат (пример, секоја фирма плаќа ѓубре по вреќа, а една полна средно голема вреќа ѓубре чини 1,2 долари).

Ова не учат на школо, нели?

Уште од Мел Брукс и за нас формативниот негов филм, кај нас тогаш преведен како „Смешната страна на историјата“, живо нè забављаат малите, небитни и „шо ти е гајле дали се точни“ приказни од минатото, како некаков антидот за големите истории во кои сме принудени да се прпелкаме, што објективно, што од тупаџии кои ги знаат сите тајни. Одиме со една таква приказна од паралелната историја.

Што протокол е тоа ако не е унифициран?

Венко Филипче деновиве даде јако фолирантска изјава. Министерот кој во денови со 40 мртви од ковид наоѓаше време на Фејсбук да објавува хвалоспеви за визионерството на Заев, вика дека протокол има само што не е унифициран затоа што имало разни клинички слики (?!) Тоа е како да кажеш дека во фудбалот нема унифицирани правила на игра затоа што постојат безброј фудбалски ситуации и секоја од нив бара посебен пристап.

Масакрот во Алди

На 25-ти ноември, жена влегува во Алди (ланец на буџет супермаркети) и прави штета од околу 130.000 долари исклучиво со кршење на шишињата алкохол што ги има на полиците во супермаркетот.