Запа раскажува како му е дрпната песната Кинг- Конг откако ја отсвириле на негов концерт ( а и пуста Јоко се качила на сцена, оти без неа свирка не бидува), но е мастрален со каква луцидност го затепа корпоративниот менталитет на МТВ. Дражесен момент и е самото запознавање на Запа и Ленон, кога Ленон му рекол дека не е грд како што мислел, по што Запа се посомневал во диоптерот на Ленон, пошто вика дека тој секогаш бил грд колку што може да се биде грд.  

Тежината што Гаокао испитот (кинескиот приемен за на факултет) го има во одредување на животот на Кинезите до сега е опишана на долго и на широко, меѓутоа речиси и да не постои текст кој може така успешно да го долови пеколот на овие три дена полагање како татко на средношколец што полага кој со сатар ги брка колите што свират на улица пред училиштето.

Јапонски производител на сладолед на видео ги вади целиот свој менаџмент и вработени во знак на официјално извинување до сите свои муштерии за гревот што после 25 години морале да го поскапат сладоледот од 60 јени на 70 јени (од 28 на 32 денари).

На ваков наслов ние би трзнале на химничната London Calling на Клеш, на меланхолијата на ‘A Rainy Night In Soho’ од Пoугс и евентуално на Џем. Ама има уште, и тоа добри. Напомена: „Hong Kong Garden“ na Сијукси ен д Баншис не е грешка, инспирирана е од ќумез за брза кинеска храна од лондонското предградие Чизлхрст.

Сè што треба да знаете за нумерата „Кокаина“ е содржано во еден Јутјуб коментар: "Доста ставате хејт коментари, не можу сви да ги лајкну“.

Ја прашуваат кога ќе одите на граница. „Ние сме биле на граница, сме биле на граница...“ повторува таа. „Ама вие лично не сте биле,“ ја потсетува новинарот а Харис, мртва-ладна, одговара во стилот „е добро де, јас не сум била ни во Сарамзалино, па што?“ Ете, и тоа еден ден ќе стане претседател на Америка.

Советот за безбедност на данските патишта ви порачува дека ве разбира и дека никој никогаш не сакал да носи кацига, ама тоа е и кацига мора да се носи.

Мајка им уште кога биле мали им рекла дека ако јадат шеќер а после се напијат Диет Кола, шеќерот се поништува. Добро, да го видиме резултатот од таа мајчинска поука.

Едно старо парче од лустрираниот махер, овојпат со девојка која го преведува скечот со знаковен јазик. А скечот, за пушење. Ама, добра и таа. Ќе видите дека и вие делумно гои знаете тој јазик.

Има една заебанција, вика, денеска отидов на состанок на сапорт група за предвремена ејакулација; испадна дека состанокот е утре. Е,па, дечково е за таму.

Мислевме еден читател не ни ја видел статијата „Има ли песна“ па ни го праќа видеото со измузичареното маче кое го имаме преслушано катаљарда пати. Ама не, ни пратил како тоа изгледа со засилување од неколкумина музичари од различни страни на светот. Прејако. Ни следуваат нова катаљарда слушања.

Кога би знаеле да си играме со времето, вака би изгледало тоа. Пошто не знаеме, мора да се учат видео техники.

Некој на некого во Британија му паркира на влез во фарма. За несреќа на некој, некого има виљушкар ама нема некои дебели нерви.

„Демократијата во основа значи владеење од луѓето, на луѓето, за луѓето. Меѓутоа....“

Еден од оние луѓе за кои, макар чуле само дел од неговата биографија, би рекле: ех, тој да отвори уста... Дискретно, ама денес 83 годишниот Пајк и тоа како  отвора уста, за Фреди Меркјури, Грејс Џонс, Џорџ Мајкл како и за органското оправдување на неговата кого-удрам- не- жалам сексуална зависност. 

„Дали вреди да се бориме или треба сите да исполегнеме и да поцркаме?“ Убави 23 минути на таа тема со професорот по филозофија, Борис Братина, кој зборува за тоа дали самата околина го одредува животот на човекот или пак самите бираме да му робуваме на напредокот и на сопствената желба за поседување.

Австралиски водители се зезаат со досетливи прекари. Нивните се подолги што значи дека имаат уште за мозгање (битолските се чист дестилат), ама па и тие имаат добри решенија: Како го викаат дечко кој има една пократка нога од другата?  Снајперска ноќна мора.

После родител 1 и родител 2, беше само прашање на време кога некој либтард ќе реши дека е време да се продолжи таа глупоќа со реименувањата и ловот на политички некоректни зборови - вештерки. А време е, доаѓа Q3.

Американските Индијанци со векови развивале и користеле знаковен јазик со кој припадниците на различните племиња се разбирале меѓу себе. Вилијам ф. Коди (Бафало Бил) го научува тој јазик и седнува на муабет со Челичната опашка, поглавица на племето Лакота Сијукси. Прилично детален муабет.

15 години одлежано 26 минутно парче виртуозен прог-рок инструментал. Во екипата се Дионис Стратров (бас и програмирање тапани), Бобан Василевски (гитара) и Петар Лукиќ (клавијатури). И сите играат во напад! Само најхрабрите ќе издржат до крај.  

Во Украина актуелна е измама во која луѓе одат по станови на постари пензионери и им нудат најефтина можна замена на старите прозори со нови со подобра термо изолација, за што само треба авансно да дадат некоја сума на пари. Откако ќе земат аванс засекогаш ги снемува ликовите. Како последица на ова, во земјата се појавија и „активисти“ кои ги чистат измамниците.

Младиот охридски шаман на гитара, Дамјан Пејчиновски, ја отсвирува Бела Чао во десет различни гитарски стилови. Кој од кој поинтересен и позабавен. Алал, момче. Какви сè погани усти ја извалкаа оваа песна, ќе треба долго вака да ја плакнеме.

На 80 години почина творецот на Густав, еден од саканите цртани во социјалистичкото минато на Македонија и Југославија. Марсел Јанкович беше графичар, илустратор на книги, историчар на културата и почесен претседател на унгарската уметничка академија. Има номинација за Оскар за краткиот филм Сизиф а во 1977 добива Златна палма во Кан за филмот Борци. За Густав го пишуваше сценариото. Компилацијата трае 2 часа и 20 минути.

Му покажуваат различни позиции на шаховска табла и тој погаѓа од која партија и од кој дуел се! Побогу, од кој свет е дечкото? Па колку партии тој има во глава? Ние прееска се пишувавме на Скајп пошто никако да текне дека она со пченкарно се вика проја.