Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Питерсон направи песна за Трудо

Да, текстот е на Џордан Питерсон, музиката негова и на уште еден автор, а ја пее тој и пријатели. Посветена е на канадскиот премиер Џастин - од умот се подизгубив - Трудо и се вика: Разбуди се! Како што вели еден наш читател, вака требаше да звучи Пинк Флојд во 2022 година.  

Бразил има олимписка екипа во боб санка

Може и кај нив се побудуваат исти чувства кога ќе кога ќе разберат дека ние имаме фудбалска лига.

Кога ќе ја откриеш тајната на татко ти

Тинејџер нашол песна која татко му ја напишал и снимил пред 43 години, но никогаш не ја објавил. Ја пушта во кола, снима видео и го закачува на ТикТок. Бам - милионски прегледи! Ене ги сега кај Кимел и други медиуми -ѕвезди и двајцата! А опако добро фанкче. 

Може ковид не е од лилјак, може е од коливе

Кога ќе ја видиш „пред“ состојбата ќе ти стане јасно каков подвиг прават дечкиве што ги чистат коливе, па по некое време ќе ти стане полесно да поверуваш дека некој може да ја исчисти колава, отколку дека некој може вака да ја изгнаси.

Рамбо понуди фронт за војна меѓу Америка и Русија

Со оглед на тензиите околу Украина кои можат да го запалат целиот континент, Рамбо Амадеус на Америка и Русија им посочи идеално место на кое можат да си ги одмерат силите.

Во Бразил апокалиптично

Над 90 луѓе загинаа во поплавите и лавините кал кои по масовните врнежи започнаа на ридовите над бразилскиот град Петрополис. Поплавата со себе носела сè од луѓе и возила, до цели куќи. Се очекува дека бројот на загинати ќе продолжи да расте.

 

Да не биде џабе искачањето

Изгледа има луѓе кои не сакаат да излезат и тоа да помине туку-така, без спомени. Па по секоја цена смислуваат нешто по кое ќе го паметат тоа искачање. На пример:

Поздрави од срцето на енергетските промени

Ан Катрин од Хамбург си купила нов електричен автомобил. Ископувачите на кобалт потребен за батерии од Конго, не може да се изнарадуваат. Опасно добра сатира за опачината на прогресот.

Надлежните се спремни за гулаг

Како шо пишавме, на Канада ѝ прегореа демократските кочници па потегна брутали мерки од типот  банка да може да ти ги смрзне парите без судски налог ако надлежните се посомневаат дека имаш врска со бунтот кој го започнаа камионџиите. Но, тоа не е сè. Да видите какви сè приватни податоци се кријат зад канадскиот QR.

Бугаријо, ѕирни ја Германија

Во дипломатската гужва што деновиве се случува во Москва, во Кремљ се појави и германскиот канцелар Олаф Шолц. Пред да се види со Путин, Шолц прво реши да се поклони и да оддаде почит пред симболот на една од најголемите руски и германски болки - Могила на непознатиот војник, посветен на сите советски војници загинати во Втората светска војна.

Кој вика дека нема решение за диво паркирани коли?

Има и тоа како, само треба да се сака да се реши, а кога не се сака тоа системски, тогаш следуваат овие „направи сам“ решенија на база на висок притисок и нервоза.

Како умираат местенките

Израел Адесанја е еден од најтврдите борци во УФЦ. Роден е во Нигерија, а професионалната боречка кариера ја почнува во Кина и Австралија пред да се префрли во УФЦ. Во УФЦ, има 23 борби, од кои 22 победи и еден пораз (кога реши да крене категорија и од средна да мине во лајт супертешка, околу 10 кг. разлика). Каков што му е уделот во ринг, таков му е и на прес-конференции. Пред последната борба Адесанја, неповикан, реши да каже два збора за Роган.

Не ви се само вам смачени флаерите од супермаркети

Ај некако да го објасниш поривот што го имаат да трупат недолжни сандачиња со флаери затоа што народ обожава кога му ги туткаш сметките и поштата, ама некој нека објасни зошто на зграда што очигледно има само 10 станови би и требал топ со 80 флаери? Мада, има герила решение и за тоа.

Свету, прилагоди се на мене

Почнува со „Мамо, мамо, учителката не ме сака.“ Завршува така што ќе биде во публика на стенд-ап комедија, ќе стане и ќе му каже на комичарот што не е за смеење. Одлична опсервација на дечкото.

Жена од Султана, Сао Паоло

Да испереме малку уши од неодамнешниот пример со нашата градинка во која им била пуштана наведената песна (па луѓе се поделија па се заклаа по Фејсбуци). Или да одмориме од сапуницата во која ги малтретираат да кажуваат што за нив значи членството во НАТО. Дечурланци ја изведуваат Sweet Child Of Mine, со пеење и тропање во вангли.

„Don't Look Up“ на своја кожа

Видовме како е тоа на филм кога комета ќе тргне накај нашата планета. Но како е тоа да се доживее „во живо“? Сериозно организиран и одлично изведен пренк во кој жртвите одеднаш се наоѓаат во исто таква ситуација.

Почина Нобеловецот кој штрчеше во време на ковид

Почина Лук Монтање, францускиот нобеловец заслужен за откривање на вирусот на ХИВ кој за време на пандемијата одеднаш стана „контроверзен“ затоа што беше прв кој се осмели да се посомнева во природното потекло на коронавирусот (заради поседување елементи на ХИВ и маларија). Но барем доживеа да види како неговата богохулна идеја срамежливо бива рехабилитирана.

Зошто од прогнозите за војната во Украина најважна е временската

Ростов е еден од руските градови во близина на границата со Украина, па руската армија реши таму да повежба малку со тенкови заради одржување кондиција. Од сите типови тенкови што беа распоредени на боиштето на крај МВП на вежбите беше - багер.

Шабан и Чорба, препакувани

Едниот правец е песна на Шабан отпеана од Рибља Чорба, другиот е Чорба отпеана од Шабан. И двете одлично функционираат, како така да биле замислени од почеток.

Колку сериозно ја сфаќаш пандемијата од 0 до Кина?

Пред некое време Кинезите спроведоа инстант-карантин и ги затворија во супермаркет сите потрошувачи што се најдоа таму откако еден од нив излезе дека е позитивен на тест. Во исто време дел од тамошните жители преземаат инвентивни мерки за спречување на ширењето на вирусот.

Во одбрана на Апу

Аргументот против Апу го слушаме веќе неколку години и на крај заврши со бришење на индискиот лик од Симпсонови (за сега). Аргументот за Апу е дека тој всушност е позитивно претставување на индиските мигранти во САД и еден од ликовите кои имаат најпозитивен раст во серијата.

Унгарскиот аргумент за гранични ѕидови

По бегалската кризата што и се случуваше на Полска на границата со Белорусија земјата по многу кошкање со ЕУ сепак се фати за работа, извади машинерија и почна да копа и да го поставува ѕидот на границата. Меѓу главните аргументи за ова е еден унгарски графикон.

Семеен хепиенд на калифорниски начин

Им кажал на родителите дека во последно време по малку е романтично заинтересиран за девојки. Овие се шокирале од тоа пошто во последните години тој бил геј, па нон-бајнари, па транс... Спомнале затруднување ама тек тука се закомплицирале работите (ќе чуете!), за на крај старите да се помират со онаа најбејзик желба: „Абе сине, да имаш еден кров над глава...“  

Ќе станеш Мел Гибсон за да се дрвиш со вакви

Превозбуден Мексиканец го начекува Мел Гибсон како си пумпа гума на бензиска. „Зошто си сам?“ Гибсон му вика: „Не знам, зошто си ти сам?“ “Затоа што не сум познат“, одговара глупиот па вика дека има среќа што налетал на таков човек. „Не знам баш тоа, што ако те опљачкам?“ Нормално, клипанот се смее и на тоа.  Фанови се глупи луѓе, генерално.