Двеминутна кавга за ситуацијата во Украина на индиска телевизија. Водител и двајца гости. Водителот и еден од гостите фаќаат да се надвикуваат, третиот трпеливо молчи. Сè додека не му прекипе и реши да ги стави работите на свое место. Значи, мора да го видите крајот.

Како во златните денови на Информиборото, сега дури и од ММА борци се бара да се произнесат за војната Русија- Украина. Прашањето стигнува до 27 годишниот Брус Мичел. Како и 15-те противниците кои ги има победено, и новинарот кој го прашува сам си го бараше.  

Американскиот сенатор Линдзи Грем (деновиве јавно повика некој близок од кругот на рускиот претседател да го убие Путин) и сенаторот и претседателски кандидат Џон МекКеин, во Украина, декември 2016 година. Пожарникари кои носат бензин на лице место.

По најразлични санкции од речиси сите држави на светот, блокада во најголемиот број меѓународни организации, заминување на сите поголеми брендови од земјата, тоа што најсилно ги удри Русите и ги мобилизираше да излезат на улица и да застанат во редица беше информацијата дека ИКЕА ги затвора сите продавници во земјата.

Многу спореден, а денес многу надреален, исечок од некоја си од емисиите на Бранко Коцкица. Матичниот педагог на милиони југословенски деца ги кани дечурланата на маса „да цепнемо нешто жестоко“.

Луѓе знаат дека Украина е ептен комплексна тема, од гео-политички, јазичен, историски, секаков апсект. Но, Камала Харис верува дека си ја познава публиката па реши тамошната актуелна ситуација да им ја претстави преку следнава „суптилна“ анализа:

Зошто мора постојано да бидеме потсетуваме дека луѓето кои страдаат во Украина не се муслимани туку плавокоси, плавооки и „релативно цивилизирани“ христијани?, прашува дечкото кој има неколку легитимни поенти на темата. Зошто кога Украинци ќе земат оружје тие се херои кои си ја бранат татковината, а кога истото го прават Палестинци, тогаш тие се терористи?

Американскиот претседател го осуди Путин и за тоа доби консензуален аплауз од двете партии во конгресот. За жал, после влезе во „материјална расправа“. „Путин може да го опколи Киев со тенкови, но никогаш нема да ги освои срцата и душите на иранскиот народ,“ порача чичкото.

Сред војна, сред бомбардирање, сред илјадници празни продавници и станови, нормално е да почнат да никнуваат пљачкосувачи и слични мали криминалци, за кои овие моменти на страдање се остварување на сите бизнис планови и соништа. Тоа им е сосема јасно и на Украинците кои почнаа да ги ловат истиве овие и да ги соблекуваат или врзуваат за бандера. Или двете.

Ако Скопје на Дино Мерлин можеше да му фукне 100К евра, на овој треба да му се дадат колку сака, да дојде овде и да нè ц'цка. Го познаваат како Емемем, иако е анонимен бидејќи работи само ноќе, главно во Лион. Остава преубави мозаици во асфалтни пукнатини, дупки на тротари, процепи на фасади, брусени ил небрусени шахти... Уметност на зацелување улици. Многу би нè личело, многу.

Бидејќи секој сака да слушне како неговата тазе завојувана држава ја споредуваат со Авганистан, пораката на утеха што несудената претседателка на САД ја има за укранскиот народ почнува со: „Абе Русите пробаа да извршат инвазија на Авганистан... па не им успеа“, и не продолжува ништо подобро.

Борис Џонсон е во Полска, пред неколку дена границата меѓу Украина и Полска ја минува и новинарката Дариа Калениук чие семејство и колеги (во најголемиот дел) се уште се во Киев, Лвив и остатокот од Украина.

Од анти-комунист во 1980-те, па преку ко-автор на политичката програма на новата Комунистичката партија на Русија, Александер Дугин, денес го нарекуваат „Распутинот на Путин“. Еден од највлијателните филозофи во денешната руска политика, со директен контакт со Кремљ и највисоките функционери на Обединета Русија на Путин, е и еден од најголемите поборници за војна со Украина.

Елате да видите како за две минути можете да ја разберете светската должничка криза. Кој колку и кому должи и како тоа секој на секого му должи? На почетокот сте концентрирани и следите со разбирање, после работите почнуваат малку да се комплицираат и го губите есапот, ама, крајот е најјак.

Корисници на Тик-ток, со иста енергија како за рецепт за омлет, почнаа да објавуваат видеа со упатства за стартување и возење на напуштени борни коли и слична воена механизација.

Им гостуваат Кацар и Вена, видеозаписот е на Иван Солунчев, продуцент, микс и гитара - Драги Иванов. Чиста околина маваат воспитни заушки!

Што и да кажуваше Зеленски беше премногу тешко за германската преведувачка што во живо ја покриваше прес-конференцијаа за Велт.

Западот на значителен начин ќе профитира од конфликтот, но тоа не е оправдание за постапките на Русија... Не постои морална височина на која можат да застанат главните глобални геополитички играчи бидејќи сите тие имаат такви утврдени корпоративни врски и такви очигледни територијални цели што не можеме да им веруваме. Ова и повеќе во експозето на Расел Бренд.

Поранешниот украински претседател објави дека останува во Киев со своите сограѓани за да го брани главниот град од руската инвазија. Тој е заедно со својата заштита и останати членови на територијалната одбрана на Киев. Некои од нив не влеваат баш многу надеж.

Американската конгресменка од Хаваи им порача на Путин, Зеленски и Бајден дека е време да се тргне гео-политиката настрана и на Украина да ѝ се даде мир така што ќе биде договорено таа да биде воено неутрална земја. Ни со НАТО, ни со Русите.

Полска великодушно ги отвори своите граници за бегалци. Ако се бели и ако се од Украина, макар со себе ги носеле и своите домашни миленичиња. Бегалците со поинаква боја на коже се под друг режим.

Злобници велат дека советник за безбедност му го покажал видеово на Путин па овој рекол: "Ок, упаѓајте". Али стварно, замислете да сте Украинец, руски тенкови баботат по вашата земја и некој добронамерник од Запад ви го праќа ова видео како мотив да издржите. Диверзитетот само што не стигнал за да ве спаси.

Алал вера она западнине служби како перфектно профилираат политичари сојузници во трети земји. Кај нас знаете кого го црпнаа да ја одработи задачата, во оваа прилика да ги запознаеме талентите на Зеленски, човек кој ја води Украина нападната од Русија.

Уште во 2015 година, еден од највлијателните американски политолози ја опиша иднината на погубната западна политика со Украина. „Ги убедуваме дека ќе бидат дел од нас, ги охрабруваме да играат тврдо со Русија, и тие тоа го прават. Ако продолжат по тој пат, земјата ќе им биде здробена“, рече Џон Мершајмер пред 7 години.