Софтверскиот гигант Мајкрософт во периодот од 20 јануари до 6 февруари изгуби 218,8 милијарди долари од вредноста на акциите. Оракл изгуби 61 милијарда, а Палантир 36.
Ова е првото големо сведоштво за повеќегодишните предупредувања дека вештачката интелигенција ќе ја прекрои економијата каква што ја знаеме.
Причината е пакетот алатки на Антропик, кои класичниот софтвер го прават непотребен. Алатките им овозможуваат на компаниите да ги прилагодат агентите со ВИ за специфични улоги од почетокот до крајот на производствениот процес. Claude Code, на пример, има капацитет да создава софтвер за секакви намени, а Cowork ги обединува агентите со ВИ во посебна мрежа, со нон-стоп работно време.
Клод се претвора од корисен асистент во целосен соработник. Можете да му предадете цели проекти... кои се хипер-специфични за вашата компанија и вашата улога во таа компанија, објаснува Скот Вајт од Антропик.
Некои инвеститори се уште веруваат во акциите на софтверските компании, особено затоа што тие сега се неверојатно евтини. Тоа може да ги закрепне компаниите што нудат комплети од алатки наместо софтвер за еднократна употреба, но прашање е до кога програмерите ќе можат да го држат чекорот со вештачката интелигенција.
ВИ го направи програмирањето евтино, но скап е контекстот. Не можете со јазични модели да замените десет години работа со клиенти, забележува истражувачката платформа Pitchbook.
Аналитичари на пазарите се убедени во спротивното и сега чекаат сигнали дали ВИ ќе го прошири своето влијание и врз други индустрии. Менаџерот на инвестиции Шелби Мекфадин предвидува нови потреси во рок од една година.
