Девојката се вика Џејлин Чејни, има 25 години и нејзините клипови за патување имаат собрано милиони прегледи.
Последно најпопуларно ѝ се поплаките за нешта што им пречат на плус-сајз патници и ова има над 15 милиони прегледи.
Одлучува да ги документира битките на нејзината категорија патници затоа што „многумина од нив ќе се пронајдат, а ретко се зборува за тоа.“
И ги наведува следните нешта:
- Немаш место многу да мрдаш
- Патеките се тесни
- Масичката не ти се спушта поради стомакот
- Мораш да бараш продолжувач на појас
- Мали тоалети
- Секирање дека ќе ја скршиш шолјата
- Не можеш да најдеш пристапна патека кога пешачиш во природа
- Те испитуваат на аеродром затоа што си дебел
- Мали столчиња во чекална на аеродром
- Скали на бродови и базени, и општо скали
- Секогаш да се прашуваш дали ќе те собере во јавен превоз, на седиште во авион, итн.
- Многу ограничени места покрај базен за плус-сајз лица
- Рестораните немаат опции за да седнат плус-сајз луѓе
- Пешкири не те собираат
- Не можеш никаде да најдеш облека
- Не можеш да ги поминеш оние премини каде што се куца карта за метро
- Ужасни коментари дека си дебел патник
Што би било решението, според Чејни?
Слабеење?
Not today.
„Индустријата мора да сфати дека просечната жена веќе не е 14-ка,“ вели таа. „Сега се од 18-ка па нагоре. А сепак, иако стануваме пошироки, авионските седишта, облеката и сѐ друго станува помало, или останува исто. За да видиме реална промена, индустријата мора да престане да ги игнорира потребите на плус-сајз лицата и да почне да се проширува за да ни излезе во пресрет и да стане вистински инклузивна. Луѓето од сите бои, величини и способности постојат и заслужуваме пристап до нешта до кои другите имаат пристап со години.“
