Насловот ќе биде едноставно „Чаки“, за разлика од оригиналот од 1988 и неговите продолженија, а приказната е сместена во американско предградие (а каде инаку почнуваат сите хорори?). Централниот лик е Џејк Вебер, 14-годишен геј средношколец што во слободно време прави чудни скулптури од делови од кукли.
На распродажба во гаража открива кукла со портокалова коса, ја купува и ја носи дома, за на крај да открие дека (замисли!) дека е жива, па уште и манијак опседнат од духот на сериски убиец. И следи крвопролевање достојно за љубители на сите класици.
Бред Дуриф, гласот на Чаки од старите филмови ќе се врати. Трејлерот одлично ја илустрира приказната на Џејк - малтретирањето во школо и справувањето со смртта на мајка му, а ќе биде и занимливо да се види како ќе се снајде приказната во ТВ-формат.
Фановите на оригиналните филмови „чекаат нешто мрачно и крваво, а серијата е полна со такви работи,“ кажа Алекс Винсент, актерот од оригиналната постава на Комик Кон во Сан Диего. „А за поновите фанови, малку е поразвиено во однос на тоа зошто е таков каков што е. Навистина е креативно прикажано. Сѐ уште е мрачно како и секогаш, но ќе можеме да го видиме Чаки во едно поинакво светло, а и што добива од интеракција со луѓето.“
Доаѓа на 12 октомври. Ако се раководиме според трејлерот, може да е забавно ама не и стражно - веројатно проблемот е суштински - Чаки не затвара уста и упорно се демистифицира.
Трејлер:
