Според Њујорк Тајмс, активистите на Time's Up не бараат од ѕвездите да облечат црни фустани и костуми, иако „би ценеле” значка.
Холивудската коалиција Time's Up, инаку сè уште работи на подигање на свеста за сексуално вознемирување и малтретирање на работно место по обвинувањата против Харви Вајнстин и еден куп други, и нејзиното присуство на големо се чувствуваше на сите поголеми филмски настани.
Сè уште не е јасно како ќе го вклучат сега на 4-ти март, ноќта на Оскарите, но претседателката на Ејбиси (мрежата која ќе врши телевизиски пренос), Ченинг Данги се надева дека „ќе се испочитува Time's Up и ќе може да се рашири пораката.”
„Но, се обидуваме да биде подобро испланирано, наместо импулсивно. Ќе има свој момент, но нема да ги засени уметниците и филмовите на кои им се прави чест,” вели таа.
Од Time's Up никој уште не одговорил зошто им дозволија на Оскарите да поминат шарено.
