Мирјана Мариќ ја донесе високата мода во Југославија, а го освои светот со нејзините модели. Ја носеше Јованка Броз, „амазонките“ и жената на Гадафи, данската принцезата (а подоцна и кралица) Маргарета, претставнички на дипломатскиот кор, и сопруги на многубројни државници кои во седумдесеттите и осумдесеттите доаѓаа во Белград.
Родена е на 22 мај, 1938 во близина на Ниш, а веќе од 1948 живее во Белград. Дипломирала во 1960 на Академијата за применета уметност, отсек текстил, а потоа магистрирала на современ костим во Уметничката школа во Манчестер со стипендија.
Во 1968 година добива статус на слободен уметник и се вработува во Југоекспорт, убедувајќи го раководството дека мора да почне со производство, а некоку години подоцна почнува во работилницата за висока мода.
Во последниве 35 години живееше на релација Србија - Америка, а во близина на Сан Франциско живееше со сопругот, д-р Михајло Мариќ, кој почина во 1992.
Рекоа,
„Беше и остана синоним за квалитетна мода во СФРЈ, а нејзините дизајнерски парчиња се изработуваа во ограничени серии од 100 до 150 парчиња. Има организирано повеќе од 70 модни ревии ширум светот, а нејзиниот бренд Три М и кожните модели имаат добиено бројни домашни и светски признанија. Посебно признание за креаторската работа има добиено во 1975 и 1976 кога Пјер Карден ја покани во Франција и организираше модни ревии со нејзини модели.“
