Серијата беше успешна на повеќе полиња: реалниот приказ на фаталната бирократија, лекцијата што ја доби светот за нуклеарна енергија и опасностите што може да ги предизвика, како и доближувањето на рускиот пропаганден систем на тие што немале прилика да го видат.
Локацијата е отворена за јавноста уште од 2011-та, со тури за посетители, ама никогаш претходно немало ваква навала од луѓе што идат да се сликаат како да се во Дизниленд. Посетеноста е зголемена за 35% од лани.
Сепак, не можеш така лесно да обвиниш човек што фотографира на туристичка дестинација, макар и да е така трагична како Чернобил. НО! Што правиме кога под изговор на „Инстаграм-естетика” ќе почнат да се сликаат во провокативни пози (кои се инаку супер, кој како милува, ама) ВО ЧЕРНОБИЛ?
Мора да им се честита на таа оперираност од осет, па и грижа за себе - да соблечеш заштитна опрема, да се разголиш и да му речеш на тој што дошол со тебе со цел памет - ај сликај.
Дури и креаторот на серијата, Крег Мазин негодуваше: „Ако го посетите, ве молам да се сетите дека ужасна трагедија се случи таму. Однесувајте се со почит кон сите што настрадале и се жртвувале.
Еве, почитуваат: