На Уан Шоу, се чекаше објавата дали градот-домаќин ќе биде Ливерпул или Глазгов, откако се дозна дека Украина нема да може да прима гости од познати причини.
Претставници од двата британски градови што влегоа во потесен избор од претходните седум, се појавија во живо на видео-врска, а Греам Нортон се вклучи меѓу водителите во студиото за да го открие домаќинот.
Сепак, резултатот се откри пред време, бидејќи гледачите можеа со малку напор, да прочитаат што пишува на пликот во кој беа скриени деталите за победничкиот град.
Си пишуваше „Ливерпул 2023“ и тоа никој не го забележал, ни од режија, ни од екипа, ни од водители.
Love how Graham was trying to build suspense before announcing it when it was written on the back of the card the whole time 😂 #Eurovision https://t.co/FcElY2lChj pic.twitter.com/KhwIOxkYXl
— Tom (@TomasTaylor4) October 7, 2022
Инаку, Бибиси инсистира дека иако ќе се одржи во Британија, сепак „ќе бидат посветени да овозможат вистински уникатен натпревар што ја слави прекрасната Украина, како и британската музика и креативност во сета своја разноликост.“
Нортон потврди и дека финалето ќе биде во сабота, 13 мај, 2023.