Нема потреба од прашалници и тестови за да откриеме дали е некој интровертен или екстровертен - партнерот веројатно си го познавате. За среќа, екстровертите и интровертите можат да се согласуваат меѓу себе, само првите да знаат што НЕ треба да им се каже на вторите.
1. „Колку си тивок!“
Експертите се согласуваат дека ова е една од најнеконструктивните работи што можат да им се кажат на интровертни личности. Ним цело време им се забележува дека се тивки и ова не е фер критика воопшто. Тие бираат да набљудуваат, да слушаат и да размислат пред да зборуваат, а освен тоа, тоа што се тивки не може да се смета за недостаток. Секогаш кога ги закачате за нешто што им доаѓа природно, се чувствуваат неразбрано или како да им се суди. Ваквите коментари го отфрлаат фактот дека интровертите наоѓаат радост и исполнетост во потивки, поинтроспективни активности и налагаат дека „ич не се забавни“.
2. „Не биди толку антисоцијален.“
И ова е напад на карактер - интровертите сакаат да бидат сами, или едноставно уживаат во мали, интимни собири наместо на огромни забави. Ова не значи дека не им вредат социјални конекции. Последиците од ваков непромислен коментар можат да бидат многу непријатни затоа што да притискаш интроверт да се социјализира повеќе отколку што му е пријатно, значи дека ќе се чувствува исцедено и преплавено.
3. „Премногу си чувствителен.“
Интровертите често ги процесираат информациите подлабоко, што значи дека може да се почувствителни на нивното опкружување. Затоа и не сакаат големи собири. Ова може да не му одговара на екстроверт што зависи од гужва за да му биде забавно, но грешка е да се толкува „чувствителноста“ како дефект на карактер, особено со оглед на тоа што чувствителната природа на интровертите им овозможува и сочувствителност.
