Ако почнувате, почнете со евтини материјали. Жицата нека биде обичен метал, монистрата нека бидат пластични или стаклени, наместо 14-каратно злато. И како што ќе станувате профи, можете да инвестирате во сѐ поскапи материјали и стварно да завршите со неверојатни парчиња пред себе.
Што ви треба?
Монистра
Стаклени, дрвени, пластични, метални или полудраги камења - ги имате од секакви материјали. За да не ви се тркалаат, ставајте ги на пешкир или организирајте си ги во кутии со прегради (нов проект за медитација!)
Синџири, закопчувалки и жици
Синџирот е појдовна точка, не само за накит, често и за каиш. Алките можат да бидат деликатни и нежни, или големи и груби. Можете да инвестирате во 14 или 18-каратно злато, или во сребро и тие ќе ви траат. Можете и лажно злато или сребро, или бакар, лим или челик, па дури и пластика. Ако убаво го осмислите, може убаво да изгледа. Ланчињата се продаваат на метража, што значи закопчувалката ќе мора сами да ја додадете.
Свилена нишка
Доволно е силна за нижење монистра и ја има во различни бои и ширини. И дебелината може да игра улога во дизајнот.
И алат:
Ви требаат сплескани и заоблени клешти, кои ќе ви служат за различни работи - за манипулација на жица на пример, или за правење крукчиња.
Не секој рачно правен накит е тоа-па-тоа, истите монистра, закачалчето и толку.
Ако стварно те бива и стварно се посветиш, можеби ќе излезе нешто како од излог, што знаеш.
