На 30.11 (сабота), во галеријата на МКЦ, музичката ПИН конференција ќе бидат домаќини на промоцијата на биографијата на Горан Трајкоски-Готра, нова публикација од едицијата Македонски рок архив.
Во 19:00ч, на 30 ноември, галеријата на МКЦ ќе биде сведок на изложба на бројни предмети и дела од животот и творештвото на тивкиот, вредниот и надарен Горан Трајкоски. Ќе бидат прикажани фотографии, текстови, плакати, влезници кои се доказ за неуморливиот дух кој се проткајува низ целата кариера на еден од најзначајните македонски музичари.
