Во срцето на Дебар маало, но со господска оддалеченост од општата тарапана која во последно време царува во тој реон, функционира гостилница која со години и децении успева во нешто што некои други не успеваат ни недели и месеци - да го задржат квалитетот поради кој си решил повторно да им отидеш.
Такви се Ники - фикс и цврста точка во непостојаната и променлива понуда на скопското угостителство.
Спомнувањето на пастрмалијата на Ники, долгогодишната ѕвезда на нивната зимска храна, кај познавачите на скопската гастро сцена предизвикува инстантно одобрување и уште поинстантен предлог да се оди во Ники, веднаш и сега. Бидејќи жлездите веќе лачат....
А не е само пастрмалијата. Нивната кујна содржи супериорна палета на јадења, предјадења, мезиња и благца, со врвни намирници, грижливо и умешно подготвени, понудени од искусен персонал кој си ја знае работата (поздрав до плејмејкерот). Важен бонус е тоа што голем дел од она што се јаде таму е од нивно сопствено производство. Оваа зима, фаворити ни се сармите и подварокот. И речалот и раванијата. Врв.
Работат и кетеринг, топла препорака и за тоа.
Среќни празници Ники, и уште долго да нè тинтрате.
Екипата на Трендоленд и Оффнет
