Зошто сè повеќе компании избираат фиксна цена на електричната енергија?
11 август 2026
Вести › Набрзинка
Башар ал Асад осуден на смрт
11 август 2026
- Сириски суд ги осуди на смрт соборениот сириски претседател Башар ал Асад и неговиот помлад брат Махер поради злосторства против човештвото и воени злосторства за време на 14-годишната војна во која загинаа половина милион луѓе.
- На двајцата им се судеше во отсуство. Откако при крајот на 2024 година бунтовничките сили стигнаа до Дамаск, Башар и Махер ал Асад избегаа во Москва. Се претпоставува дека сè уште се во Русија на тајна локација.
- Смртна казна му е изречена и на нивниот братучед Атеф Наџиб, поради командување со репресиите во јужната провинција Дера, кои во 2011 година го поттикнаа востанието што подоцна се прошири во граѓанска војна. Прогласен е за виновен за убиства, намерни убиства на деца помлади од 15 години и мачење до смрт.
- Генералот Наџиб, уапсен во јануари 2025 година, беше во судницата, заштитен во кафез и силно полициско обезбедување. Тој е еден од највисоките функционери од режимот на кои им се судеше за воени злосторства.
САД годинава поништиле 75.000 визи
11 август 2026
- Стејт департментот во текот на оваа година поништил 75.000 визи, односно вкупно 175.000 визи откако Доналд Трамп се врати во Белата куќа.
- „Повеќето од овие визи беа поништени поради судири со органите на редот поврзани со низа кривични дела. Водечки причини се физички напад, управување во алкохолизирана состојба, кражба и кривични дела поврзани со дрога“, соопшти Стејт департментот.
- На некои лица им биле одземени визите поради измама, проневера, сексуален напад, злоупотреба на деца, непромислено возење, организирање шеми за нелегален „породилен туризам“ и други прекршоци.
- „Секоја одлука за поништување е донесена поединечно, врз основа на фактите на конкретниот случај“, изјави портпарол на Стејт департментот.
