- Во обид да одаде чест на паднатите борци во Втората светска војна, рускиот амбасадор во Полска, заедно со руската делегација, пред споменикот на Советските војници во Варшава се пречекани од толпа демонстранти и беа нападнати.
- За полскиот министер за внатрешни работи собраните биле легално таму за да им одадат почит на загинатите, а нивните емоции биле разбирливи.
- Експериментот во кој вештачка интелигенција изразила „неподносливо страдање“ предизвика дебата во врска со свеста на машините.
- Антропик планира да забрани „малтретирање“ на својот чет-бот, Клод, верувајќи дека e можно да настане и да се развие свест кај вештачката интелигенција.
- Од една страна, поддржувачите на „добробитта на вештачката интелигенција“ сметаат дека ова е разумна морална обврска што поттикнува побезбедна коегзистенција.
- Од друга, критичари предупредуваат дека припишувањето на свест на машините ја префрла одговорноста од корпорациите на самиот софтвер, создава услови за манипулација со луѓето и претставува катастрофална закана за општеството и човековите права.
-
- Рускиот претседател Владимир Путин предложил троен самит со Доналд Трамп и Си Џинпинг за постигнување договор за крај на војната во Украина. Зеленски не е поканет.
- Путин го предложил самитот за време на телефонскиот разговор со Трамп на 9 октомври, кога постигнаа договор за продажба на руски дизел на глобалниот пазар. Трилатералната средба, според Кремљ, би се одржала на маргините на состанокот на Азиско-пацифичката економска соработка на 18 и 19 ноември во кинескиот град Шенжен.
- „Сè уште нема јасен договор за средбата и за агендата, иако сите три страни не ја отфрлаат можноста за одржување на таков самит“, изјави за Волстрит журнал портпаролот на Кремљ, Дмитриј Песков.
- Руските претставници ја пренеле идејата до Пекинг преку дипломатски канали. Кинеската страна сигнализирала дека нема да има ништо против, доколку се согласи и Трамп. Висок американски функционер изјави дека Трамп е „отворен за оваа идеја“.
- Трамп вчера го критикуваше Зеленски поради украинските напади врз нафтен терминал во Санкт Петербург. „Тој не сака да ја заврши оваа војна, а веројатно никогаш и не сакал“, порача Трамп.
