- „Не можете да разберете колку разговори имало во кои се бараше Србија да се откаже од гостопримството на рускиот министер за надворешни работи. Хистеријата која се виде покажа што всушност некои сакаат, бидејќи не можат ништо да ѝ направат на Русија, тие се изживуваат врз Србија“.
- Во Србија, рече тој, во последните 24 часа пристигнале повеќе западни медиуми отколку кога било и тие, според него, само чекале да направат фотографија од нив двајцата за да ја нападнат неговата држава.
- Тоа што Србија, вели Вучиќ, не сака да биде дел од глутницата е нешто што предизвикува главоболка.
- Агенцијата за миграција на Шведска објави дека од денеска ги спроведува новите и построги критериуми за доделување шведско државјанство на странци, усвоени на 29 април. Но, мерките нема да важат само за новите апликации, туку ќе бидат проверени и сите што се во процедура – околу 100.000.
- Шведска е првата земја во Европа што ретроактивно применува правила за натурализација на тековните апликации. Просечното време на обработка моментално е околу 56 месеци.
- Со новиот закон, минималниот престој во земјата за стекнување право на барање за државјанство се зголемува од 5 на 8 години. Барањето треба да биде поткрепено со доказ за примања од 20.000 круни месечно (1.800 евра). Исклучоци има за деца, пензионери и лица со траен инвалидитет.
- Мигрантите што отслужиле затворска казна над 4 години ќе мора да чекаат 15 години пред да аплицираат.
- Одредбите ќе се воведуваат постепено, заклучно со 1 октомври 2027 година. Од август ќе почнат тестирања за познавање на шведското општество. Подоцна ќе бидат воведени и тестови за разбирање, читање и слушање на шведскиот јазик.
- Министерството за одбрана на САД го скрати списокот на признаени религиозни вери и системи на верување од досегашните 211 на само 31, по налог од министерот Пит Хегсет.
- На скратениот систем има дури 22 посебни христијански групи. Покрај нив, признаени се и будизмот, бахаизмот, хиндуизмот, исламот, јудаизмот и сикизамот. Се признаваат и агностицизам, друга вера и ниедна вера.
- Претходниот список со 211 официјално признаени вери за воениот персонал беше објавен во 2017 година, во првиот претседателски мандат на Доналд Трамп.
- „Претходниот систем беше непрактичен и неупотреблив, а многу кодекси воопшто не се користеа. 82% од персоналот кои се идентификуваат како религиозни користат само шест од кодексите“, изјави Хегсет во март, кога ги најави промените.
