Вести › Набрзинка

Вучиќ честиташе Света Петка со снимка од градилиште

27 октомври 2024

Најчудната снимка која некој би ја објавил на денот на Света Петка, кога голем број Срби ја слават заштитничка, пред сè на децата, жените, старите и болните. Ја одбрав оваа снимка бидејќи и на денешен ден, сакам да ѝ покажеме и на Србија и на светот дека растот, развојот и напредокот се единствен гарант на нашата сигурна иднина“, напиша српскиот претседател на Инстаграм.
Снимката е од градилиштето за ЕКСПО 2027 во Белград каде за една ноќ, 70 големи мешалки ставиле преку 1.000 кубици бетон.

View this post on Instagram

A post shared by Aleksandar Vučić (@buducnostsrbijeav)

извор

Трамп: Вечерва ќе умре цела цивилизација!

7 април 2026

„Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.

извор