Вести › Набрзинка

Уште за синот на Талат да ги обвинат Русите

13 декември 2022

Заканите за поставени бомби се дел од хибридната војна што ја води Русија, смета професорот Никола Дујовски.
Иако сме членка на НАТО и дел од заедничкиот одбранбен бедем на најмоќната воена алијанса на светот, тој смета дека „можноста во овој момент да откриете од кое точно место во Русија се испраќаат овие закани е еднаква на нула“.
Според Деканот на факултетот за безбедност, и оваа хибридна закана има за цел да создаде „страв и паника кај граѓаните“. Истиот човек, веројатно за да нема „страв и паника кај граѓаните“ пред некое време побара „во случај на нуклеарен напад, секој граѓанин да добие медицински пакет кој ќе содржи јод.“
Професорот Никола Дујовски застанува на чело на Комисијата за внатрешни работи на СДСМ, пишаа лани медиуми.
Дујовски уште пред три години беше избран за прв човек на групата за ветинг во МВР, кога се најавуваше дека тоа ќе биде првата држава институција во која ќе се спроведе „долгоочекуваниот ветинг.“
Медиуми забележаа дека истата година, во истото министерство била вработена неговата сопруга.
Канселираниот просветен инспектор Ѓорѓи Илиевски кој откри серија незаконски унапредувања во наставно-научни звања на високи јавни владини функционери (Арбер Адеми, Агим Нухиу...) во отвореното писмо до „премиерот Заев и вториот премиер Ахмети“, обвини дека и изборот на доцент Никола Дујовски во вонреден професор е незаконит.

извор

Само три земји платиле за Одборот на Трамп за Газа

11 април 2026

Одборот за мир на Доналд Трамп добил само мал дел од 17-те милијарди долари ветени за обнова на Газа.
Од десет земји кои ветија средства, платиле само Обединетите Арапски Емирати, Мароко и САД. Собраната сума е под 1 милијарда долари – помалку од членарината за секоја земја што ја најави Трамп.
За реконструкција на Газа, каде што четири петтини од зградите беа уништени во двегодишните израелски бомбардирања, ќе бидат потребни околу 70 милијарди долари. според проекциите на глобалните институции.
Поради проблемите со финансирањето, новоформираниот Национален комитет за администрација на Газа (NCAG), не може да ја преземе контролата врз регионот од Хамас. Според мировниот план, Комитетот на чело со Али Шаат Хамас треба да ги управува министерствата и полициските сили.

извор

Астронаутите од Артемис 2 се вратија живи и здрави

11 април 2026

Четворицата астронаути на НАСА утрово безбедно се спуштија на Земјата, по десетдневната мисија Артемис 2 околу Месечината.
Нивната капсула „Орион“ ги издржа огромните температури од брзото навлегување во земјината атмосфера и се спушти со падобран во Пацификот, покрај брегот на Калифорнија.

„Стабилни сме“, објави командантот на мисијата Рид Вајзман. Тој и другите астронаути – Виктор Гловер, Кристина Кох и Канаѓанецот Џереми Хансен, ќе поминат низ неколкудневни детални медицински прегледи.
При влегувањето во атмосферата, екипажот леташе 32 пати побрзо од звукот (побрзо од кој било човек досега), а нивната капсула беше изложена на температура од 2.760 Целзиусови степени – практично беше обвиткана во оган, поради што во критични 6 минути немало никаков контакт со Контролата на мисијата. Падобраните ја намалиле брзината на слободниот пад на 25 километри на час.
При мисијата за обиколување на Месечината, екипажот на НАСА стаса 406.778 километри од Земјата, подалеку од кој било човек досега, и направи детални снимки од нејзината „скриена“ страна.
НАСА в година ќе ја спроведе мисијата Артемис 3, во која ќе тестира екипаж со лендери во орбита, како конечна подготовка за мисијата Артемис 4, кое опфаќа спуштање астронаути на Месечината, прв пат по 1972 година. Во трка е со Кина, која планира да испрати свои „таиконаути“ на Месечината до 2030 година.

извор