Вести › Набрзинка

Турција го отфрли сочувството на Вашингтон за нападот во Истанбул

14 ноември 2022

Министерот за внатрешни работи на Турција, Сулејман Сојлу, го спореди сочувството на САД со „убиец кој пристигнува меѓу првите на местото на злосторството“.
„Не го прифаќаме сочувството од американската амбасада, го отфрламе!“, рече министерот на државата која често го обвинува Вашингтон дека ги снабдува со оружје курдските борци во Сирија кои Анкара ги смета за терористи.
Курдската работничка партија има започнато војна против Турција уште во 1984 година и во тие судири досега имаат загинато преку 40.000 луѓе.

извор

Васил доби 12 години затвор за Фросина

13 мај 2025

Возачот Васил Јованов, кој смртоносно ја прегази младата дизајнерка Фросина Кулакова на пешачки премин, поминувајќи на црвено светло, е осуден на 12 години затвор.
Најниската казна за делото за кое се гони Јованов е четири години, а највисоката 20 години.
Таткото на Фросина Кулакова, Тодор, револтиран од висината на казната, ја напушти судницата. „Судот е мафија!“, рече тој и излезе од салата.
Јованов во јануари без возачка дозвола под дејство на алкохол, со брзина од 90 километри на час удрил во Фросина на обележан пешачки премин. Кулакова почина на лице место.

извор

Дутерте од ќелија во Хаг победи на избори на Филипините

13 мај 2025

Поранешниот филипински претседател Родриго Дутерте победи на изборите за градоначалник на Давао, иако е во притвор во Хаг, каде што чека судење за злосторства против човештвото.
Резултатите не се конечни, но по изброени 80% од ливчињата Дутерте има осум пати повеќе гласови од најблискиот ривал.
Тој е првиот поранешен претседател на азиска држава што е предаден на Меѓународниот кривичен суд во Хаг. Обвинет е за убиства и злосторства за време на војната што им ја објави на наркокартелите додека беше на власт. Во операцијата биле убиени помеѓу 6.229 и 20.000 лица, во зависност од изворите.
Дутерте неочекувано беше уапсен на 11 март, врз основа на меѓународна потерница од Меѓународниот кривичен суд, и итно беше екстрадиран во Хаг. Неговите приврзаници тоа го сметаат за киднапирање.
Неговата ќерка Сара Дутерте е потпретседателка на Филипините, но веќе е во немилост на претседателот Фердинанд Маркос Помладиот. Таа сега има повисок рејтинг од него, но соочена е со импичмент во Конгресот, што може да ја спречи да се кандидира за јавна функција.

извор