Вести › Набрзинка

Трифун Костовски: Еуростандард банка, лице и наличје

21 јуни 2022

Петоколонашот во мојата Еуростандард банка е Николче Петкоски, симпатизер на СДСМ, пријател со Заев, уште поблизок пријател со Оливер Спасовски. Скоро две години по носењето на банката во стечај, денес е слободен граѓанин без никакви импликации по него.
Личност која што многу беше присутна во лошите пласмани на Еуростандард банка е господинот Крмзов со седиште во Струмица. Овој човек има фирми кои се занимаваат со сите можни бизниси во Република Македонија , чија бројка е над 15 посебни фирми, како посебни правни субјекти. Важи за близок пријател на Зоран Заев.
Добив информации дека сите физички лица кои имаа заробени средства во стечајот на Еуростандард банка се обештетени. Финансиски средства во банката има и за обештетување на сите останати оштетени правни субјекти, ама мора да се истрае во потрагата за враќање на украдените пари. Најотворено прашувам, кој ќе ме обештети мене?

извор

Преку ноќ станал турски билионер, а не може да повлече ни лира

8 јуни 2026

Добрата вест за Ахмад Џаангард Такало, 32-годишен Азербејџанец од турскиот град Ван: Без да знае станал еден од најбогатите луѓе во светот, откако на неговата банкарска сметка биле префрлени 1.000 милијарда лири (околу 21,8 милијарди долари).
Лошата вест: Не може да повлече ни лира, додека финансиската полиција истражува како завршиле толку многу пари на неговата сметка.
Такало побарал објаснување од банката откако му била одбиена картичката кога плаќал во супермаркет. Во банката го известиле дека на сметката има 999.999.999.999,99 лири и дека случајот го истражува Одборот за финансиски криминал (MASAK).
Приватниот сопственик на мало претпријатие предупредува дека ќе банкротира ако проверката се одолговлечи уште некој месец.
Од друга страна, морал да го смени телефонот откако се проширила веста дека станал билионер: „Одеднаш сите почнаа да ми се јавуваат и да тврдат дека ми се роднини“.

извор

Јеменските Хути го блокираат влезот во Црвено Море

8 јуни 2026

Проиранските хути во Јемен објавија дека почнуваат блокада на протокот Баб-ел-Мандеб за израелски и бродови што носат стока до Израел.
„Прогласуваме целосна и тотална забрана за израелска поморска пловидба во Црвено Море. Сите непријателски движења ги сметаме за легитимни воени цели за нашите вооружени сили“, соопштија бунтовниците, кои контролираат регион со 80% од вкупното население на Јемен.
Баб-ел-Мандеб е портата од Арабиско во Црвено Море, на кое Израел има брег од само 12 километри и свое пристаниште - Елијат.
Блокадата ќе ги принуди бродовите од Азиско-пацифичкиот регион да ја заобиколуваат цела Африка за да стасаат до Израел.
Хутите презедоа одговорност и за дел од синоќешните ракетни напади врз Израел, како одговор на израелската офанзива во Либан и бомбардирањето на Бејрут.

извор