- Претседателот Доналд Трамп најави дека ќе му плати „бонус“ од 1 милион долари на секој Американец што ќе пријави изборна измама, ако пријавата доведе до апсење и пресуда. Трамп притоа не објасни дали ќе го обезбеди „бонусот“ од свој џеб, од донации или од некоја владина агенција.
- Министерството за правда неодамна формираше Работна група за сузбивање измами, која ќе доделува награди во износ од 10.000 до 30.000 долари за лицата што ќе достават информации кои ќе доведат до апсење и осуда на осомничен за измама.
- Министерството вчера објави дека се уапсени 48 лица во Калифорнија, Невада, Пенсилванија, Њујорк и Флорида, против кои се покренати обвиненија за незаконско гласање, давање лажни изјави при регистрација на гласачи и други кривични дела поврзани со изборите.
- Министерството притоа писмено ги предупреди изборните службеници во Калифорнија за последиците доколку свесно обработуваат гласачки ливчиња од гласачи кои не се државјани на САД.
- На 3 ноември Американците ќе гласаат за нов состав на Претставничкиот дом, една третина од местата во Сенатот, како и за гувернери и пратеници во конгресите на повеќе сојузни држави. Анкети укажуваат дека демократите ќе го преземат мнозинството во двата дома на Конгресот на САД.
- Беатрис Кел, поранешна „Мис Швајцарија“, изјавила пред Комитет на Претставничкиот дом на САД дека била била силувана од Доналд Трамп во хотел во Менхетн во 1993 година, кога имала 24 години.
- Ова се тврди во нов извештај на демократите од Комитетот за правосудство, кој ги испитува врските на Трамп со Џефри Епстин. Извештајот е објавен една недела пред изборите за Претставничкиот дом и Сенатот на САД.
- Кел уште во 2024 година го обвини Трамп дека сексуално ја нападнал. На новото сведочење го оценила нападот како „силување“, бидејќи „ѝ предизвикал крварење и модрици по телото“.
- Кел пред Комитетот изјавила дека се сретнала со Трамп во 1993 година на натпреварот „Американски сон“. Трамп ѝ ветил дека ќе ѝ среди виза за САД и ќе обезбеди нејзин прием на Универзитет во Њујорк преку неговиот пријател Паоло Замполи, кој до почетокот на овој месец беше дел од неговата администрација. На настанот разговарала и со Епстин, кој ѝ рекол дека организирал „многу забави со Дон“.
- „Подоцна истиот ден, тврди Кел, Трамп ја поканил во хотелски апартман, каде што ја нападнал и ја силувал. По инцидентот Трамп ја натерал да вети дека ќе молчи“, се наведува во извештајот.
- Белата куќа ги отфрла обвинувањата и истакна дека претседателот Трамп е ослободен од каква било поврзаност со Епстин. „Овa не е ништо друго освен очајнички обид на безумни демократи да го одвлечат вниманието на Американците од растечкиот замав на републиканците, поттикнат од историските достигнувања на претседателот Трамп“, изјави портпаролката Лорен Бис.
