Вести › Набрзинка

Трамп искина во Ајова

16 јануари 2024

И на ѕивра време од околу минус 30 степени целзиусови, републиканските гласачи се појавија на околу 1.600 гласачки места во Ајова за да му обезбедат убедлива победа на Доналд Трамп.
Тој освои апсолутно мнозинство (51%) од гласовите за сите републикански кандидати за претседател, правејќи рекордна разлика меѓу него и останатите.
Може да слави и Рон ДеСантис од Флорида кој успеа да се позиционира како второпласиран пред досега фаворизираната Ники Хејли.
Од понатамошната трката се откажа Вивек Рамасвами кој за некои теми баш знаеше да убоде; види 10-те заповеди на Вивек Рамасвами и Разбуден катехизис. Најави дека во продолжение ќе го поддржува Трамп.

29 јуни 2026

Американскиот потпретседател Џ.Д. Венс верува дека скандалот Вотергејт, кој одбележа една ера во американската политика, во денешната фрагментирана партизирана политичка средина не би траела подолго од еден циклус вести и сигурно не би довела до пад на претседателот.
„Ако Вотергејт се случеше утре, тоа ќе беше вест од 12 часа. Притоа, лудо е и да се помисли дека тоа би соборило претседател“, рече Венс.
Вотергејт беше најголемиот американски политички скандал во 20 век и единствениот што доведе до оставка на претседател. Започна во 1972 година со провала и озвучување на седиштето на Демократскиот национален комитет во Вашингтон, извршени од оперативци поврзани со кампањата за реизбор на Никсон.
Венс направи паралела меѓу Никсон и Трамп, тврдејќи дека и двајцата биле мета на длабоката држава.

29 јуни 2026

Гардијан дошол до нацрт документ на четири страници од кој се гледа намера Бордот за Газа, кој Трамп го промовираше како ВД управник на Појасот, да си додели галантен правен имунитет.
Имунитетот би се однесувал на „какво било апсење, притвор или судска постапка пред судовите или други субјекти во Газа“ а би важел за канцеларијата на високиот претставник (Николај Младенов, бугарски дипломат), членовите на административната подружница и локалните службеници кои би соработувале со Бордот.
Документот е на четири страници и освен имуниутет, предвидува можност за бесплатно земање јавен имот (објекти за канцеларии и сл.).
Иако доста земји побрзаа да најават големи пари за бордот за да му се додворат на Трамп, некако тешко им оди со префрлање на парите.